મુંબઈઃ બોલિવૂડમાં સ્ટારકિડ્સનો જમાનો આવી ગયો છે. તેમાંથી ઘણાં ડેબ્યૂ કરી ચૂક્યા છે તો કોઈ ફિલ્મમાં ઉતરવા માટે તૈયારી કરી રહ્યું છે. એવામાં બોલિવૂડના બાદશાહ શાહરૂખ ખાનના બન્ને બાળકો હવે અભિનયની દુનિયામાં જવા માટે ખુદને તૈયાર કરવામાં લાગ્યા છે. ત્યારે શાહરૂખ ખાનની દીકરી સુહાનાનો એક વીડિયો આવ્યો છે જેમાં તે ડાન્સને નવી દિશા આપવામાં લાગી છે.


આ વીડિયોમાં સુહાના કેની લોગિન્સનાં સોન્ગ 'ફુટલૂઝ' પર મિત્રો સાથે ડાન્સ કરી રહી છે. આ પહેલાં પણ સુહાના ઘણાં વીડિયો શેર કરી ચુકી છે જેમાં તે ડાન્સ કરી રહી છે. રસપ્રદ વાત એ છે કે તે કોલેજ ડ્રામામાં પણ ભાગ લઇ ચુકી છે અને તેનાં વીડિયો પણ સોશિયલ મીડિયામાં વાઇરલ થયા હતાં.