નવી દિલ્હી: બોલીવુડની અભિનેત્રી સન્ની લિયોનીની ચેરિટીને લઇ એક આર્ટવર્કની નકલ કરવા બદલ સોશિયલ મીડિયા પર આકરી ટીકાઓનો સામનો કરી રહી છે. આ તસવીર ખરેખર ફ્રેન્ચ ચિત્રકાર મલિકા ફાર્વે દ્વારા તૈયાર કરવામાં આવી હતી. ડાયટસબ્યા નામની એક અજ્ઞાત વ્યક્તિએ ઈન્સ્ટાગ્રામ એકાઉન્ટ પર ફાર્વે અને સન્નીની તસવીરોનો સ્નેપશોર્ટ શેર કરી તે બંને એકસરખા હોવાનું જણાવ્યું હતું.


આ કેપ્શનમાં લખવામાં આવ્યું હતું કે, અમે તમામ ચેરિટીનું સમર્થન કરીએ છે, પરંતુ શ્રેય આપ્યા વગર કોઇપણ કાલાકારની કલાકૃતિ ચોરી કરી અને કોઇ ચેરિટી માટે તેની હરાજી કરવી તે માત્ર ગંદગી છે. ડાબી બાજુ મલિકા ફાર્વેની વાસ્તવિક પેઇન્ટિંગ  છે. ત્યારે જમણી બાજુએ સની લિયોનીએ બનાવેલી પઇન્ટિંગ છે.


આ આખી ધટના પર સોની લિયોનીએ મૌન તોડ્યું અને કહ્યું કે, હેલો.. તમને સાચી જાણકારી આપુ છુ મને આ કલાકૃતિની એક ફોટો આપવામાં આવ્યો હતો અને ત્યારે મે આ પેન્ટીંગ કરવાનો નિર્ણય કર્યો. મેં એવો દાવો પણ નથી કર્યો કે તેને બનાવવાનો વિચાર મારો હતો. મેં માત્ર એક ફોટાને જોઈને તેને પસંદ કરીને તેને પેઈન્ટ કરી હતી. તેને ચેરિટી માટે કેન્સર પીડિતોના કામમાં લગાવવામાં આવી રહ્યાં છે.