સની લિયોની ફરી એક વખત રાગિની એમએમએસ સીરીઝ સાથે જોડાઈ ગઈ છે. તેની સાથે જોડાયેલ એક વીડિયો પણ સની લિયોનીએ પોતાના સોશિયલ મીડિયા એકાઉન્ટ પર પોસ્ટ કર્યો છે.
આ વીડિયો શૅર કરતાં જ તેણે લખ્યું છે કે, '#RaginiMMSReturns?? આ શક્ય જ નથી! આ વીડિયોમાં સની કહે છે કે, ‘આટલી ચમક, આટલી ધમક, પણ ખરી મજા ત્યારે આવશે જ્યારે આ ચમકમાં થોડું નમક આવશે.' આ વીડિયોમાં સની વધુમાં કહે છે કે,'આ ચમક અને ધમકની મજા ડબલ કરાવવા હું આવી રહી છું.'
ઉલ્લેખનીય છે કે, સની લિયોની વેબ સિરીઝ 'રાગિની એમએમએસ રીટર્ન' માં જોવા મળશે. આ બીજી સીઝન છે. તેમાં વરૂણ સૂદ અને દિવ્યા અગ્રવાલ ભૂમિકા ભજવશે.
વર્ક ફ્રન્ટની વાત કરીએ તો સની છેલ્લે 'અર્જુન પટિયાલા'માં જોવા મળી હતી. આ સિવાય તેણે 'મોતીચુર ચકનાચુર' ફિલ્મનું એક આઇટમ નંબર કર્યું છે. તેમજ તેની સાઉથ ફિલ્મ વીરમાદેવી પર તે હાલમાં કામ કરી રહી છે. સની સોશિયલ મીડિયા પર ખૂબ જ એક્ટિવ રહે છે. તેના ઇન્સ્ટાગ્રામ પર 28 મિલિયનથી પણ વધુ ફોલોઅર્સ છે.