Tunisha Sharma Suicide Case: તુનિષા શર્મા સુસાઈડ કેસમાં રોજ નવા નવા ખુલાસા થઈ રહ્યા છે. આરોપી શીઝાન ખાનના પરિવારે તાજેતરની પ્રેસ કોન્ફરન્સમાં તુનીશાની માતા વનિતા શર્મા પર ઘણા ગંભીર આરોપો લગાવ્યા છે. ત્યારે હવે તુનિષાનો વધુ એક વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં અભિનેત્રી તેના ખાસ મિત્ર ગૌરવ ભગત સાથે જોવા મળી રહી છે. વીડિયોમાં જોઈ શકાય છે કે ગૌરવ તુનિષાને ડ્રોપ કરવા એરપોર્ટ આવ્યો છે. અભિનેત્રી ક્યારેક તેના ખાસ મિત્રને ગુડબાય કહેતી વખતે રડતી જોવા મળે છે તો ક્યારેક તેને ગળે લગાડતી જોવા મળી રહી છે.
વીડિયોમાં તુનિષા રડતી જોવા મળી
જો કે તુનિષા શર્મા અને ગૌરવ ભગતનો આ વીડિયો જોઈને ફેન્સ પણ આશ્ચર્યચકિત થઈ ગયા છે. આ વીડિયોમાં ગૌરવ ભગત રડતી તુનીષાને શાંત કરી રહ્યો છે અને તેને સંભાળવાનો પ્રયાસ કરી રહ્યો છે. આ વીડિયો વાયરલ થયા બાદ લોકોએ તુનિષા અને ગૌરવના સંબંધો પર સવાલ ઉઠાવ્યા છે. જણાવી દઈએ કે તુનિષાના મૃત્યુ બાદ તેનો ખાસ મિત્ર ગૌરવ સંપૂર્ણ રીતે તૂટી ગયો હતો. અભિનેત્રીને યાદ કરીને તેણે તુનિષા સાથે એક રીલ પણ શેર કરી હતી. આ રીલને પોસ્ટ કરતા ગૌરવે લખ્યું, "હું હંમેશાથી આ રીલને જાતે એડિટ કરવા માંગતો હતો. આજે મેં આ કામ પૂરું કર્યું છે. જોકે આજે હું તમને ખૂબ જ મિસ કરી રહ્યો છું."
તુનિષા શર્મા અને ગૌરવ ભગતનો વીડિયો
જણાવી દઈએ કે 20 વર્ષની અભિનેત્રી તુનીષા શર્માએ 'અલી બાબાઃ દાસ્તાન-એ-કાબુલ'ના સેટ પર શીઝાન ખાનના મેક-અપ રૂમમાં ફાંસી લગાવીને આત્મહત્યા કરી લીધી હતી. આ મામલામાં તુનીશાની માતા વનિતા શર્માએ શીજાન ખાનને જવાબદાર ગણાવ્યો હતો અને અભિનેતા પર તુનીષાને આત્મહત્યા માટે ઉશ્કેરવાનો આરોપ લગાવ્યો હતો. ઘટનાના બીજા જ દિવસે પોલીસે શેજાન ખાનની ધરપકડ કરી હતી.