TV Actor Dev Joshi: નાના પડદા પર બાલવીરનું પાત્ર ભજવનાર ફેમસ ટીવી એક્ટર દેવ જોશી હવે રિયલ લાઈફમાં ચંદ્ર પર જવાની તૈયારી કરી રહ્યો છે. હા, હાલમાં જ ખબર આવી હતી કે તે 8 લોકોમાં દેવ જોશીનું નામ સામેલ છે. જેમને ચંદ્ર પર જવા માટે પસંદ કરવામાં આવ્યા છે. હવે દેવ જોશીએ પસંદગીની લાંબી પ્રક્રિયા પર પોતાનો ઉત્સાહ વ્યક્ત કર્યો છે અને દર્શકોને આ લાંબી પ્રક્રિયાથી વાકેફ કર્યા છે.
બાલવીર ટૂંક સમયમાં જશે ચંદ્ર પર, ચાહકોમાં આનંદ
બાલવીરના ચાહકો એ સાંભળીને ખૂબ જ ખુશ છે કે તે ટૂંક સમયમાં ચંદ્ર પર જશે. તાજેતરના નિવેદનમાં દેવ જોશીએ એક ઇંટરવ્યૂમાં જણાવ્યું હતું કે - "મને હંમેશા અવકાશ વિશે શીખવામાં રસ છે. મને બ્રહ્માંડ અને ચંદ્ર પર ધ્યાન કેન્દ્રિત કરતી કંપનીઓ વિશે વાંચવાનું ગમે છે.. જ્યારે હું વર્ષ 2021માં બાલવીર માટે શૂટિંગ કરી રહ્યો હતો ત્યારે મને આ ઇન્સ્ટાગ્રામ પોસ્ટ મળી જેમાં લખ્યું હતું કે એક જાપાની અબજોપતિ કલાકારોને અવકાશમાં લઈ જઈ રહ્યો છે. તે ખૂબ જ રોમાંચક હતું, તેથી હું તેમની વેબસાઇટ એપ્લાઇડ પર ગયો."
ચાંદ પર જવા માટેની પ્રક્રિયા ખૂબ જ લાંબી: બાલવીર
દેવ જોશીએ આ ઈન્ટરવ્યુમાં વધુમાં જણાવ્યું કે - પસંદગીની પ્રક્રિયા ઘણી લાંબી હતી. મારે શારીરિક પરીક્ષણો, મીટિંગ્સ અને ઇન્ટરવ્યુમાંથી પસાર થવું પડ્યું હતું જ્યાં તેઓ મારા વિશે જાણવા માંગતા હતા અને હું ચંદ્ર પર જવા માટે યોગ્ય છું કે કેમ તે જોવા માંગતા હતા. આ સમયગાળા દરમિયાન મને યૂસાકુ મેઝાવાને મળવાનો મોકો પણ મળ્યો. સમગ્ર વિશ્વમાંથી લગભગ 10 લાખ અરજીઓ આવી હતી જેમાંથી માત્ર આઠ નામ પસંદ કરવામાં આવ્યા હતા. મેં બાળપણથી આનું સપનું જોયું હતું અને હવે હું ખરેખર ચંદ્ર પર જઈ રહ્યો છું. હું ખૂબ જ ખુશ અને ઉત્સાહિત છું"