નવી દિલ્હીઃ સોશ્યલ મીડિયા (Social Media) પર સાચા-ખોટા સમાચારો બહુજ ઝડપથી ફેલાઇ જાય છે, એક તસવીર કે વીડિયો મળે તો તરતજ તેની પુષ્ટી કર્યા વિના તેને ઝડપથી લોકો વાયરલ કરી દે છે. આવામાં લોકો ચોંકી પણ જાય છે. હવે આવી જ એક ખબરને લઇને બધા ચોંકી ગયા છે. આ ખબર છે ડાન્સર સપના ચૌધરીની. સોશ્યલ મીડિયા પર જાણીતી હરિયાણવી ડાન્સર અને સિંગર સપના ચૌધરી (Sapna Choudhary)ના નિધનની અફવા ઉડી, આ સાથે જ ફેન્સ હેરાન થઇ ગયા. એક પૉસ્ટ વાયરલ થઇ રહી છે જેમાં દાવો કરવામા આવી રહ્યો છે કે ડાન્સર સપના ચૌધરીનુ કાર અકસ્માતમાં મોત થઇ ગયુ છે, પરંતુ ખરેખરમાં સચ્ચાઇ અલગ જ છે. હાલમાં સપના ચૌધરી પરિવાર સાથે એકદમ સ્વસ્થ છે.
ખરેખરમાં, સોશ્યલ મીડિયા (Social Media) પર સપના ચૌધરી (Sapna Choudhary)ના મોત સાથે જોડાયેલી ખબર પર લોકો દુઃખ વ્યક્ત કરી રહ્યાં છે, કેટલાક લોકો સપના ચૌધરીની આત્માની શાંતિ માટે પ્રાર્થના કરી રહ્યાં છે. પરંતુ સત્યા કંઇક જુદુ જ છે જાણો.....
મીડિયા રિપોર્ટ્ અનુસાર, ખરેખરમાં પ્રીતિ નામની ડાન્સ, જેને લોકો જૂનિયર સપના ચૌધરીના નામથી ઓળખે છે, તેનુ કાર અકસ્માતમાં મોત થયુ છે. 29 ઓગસ્ટે હરિયાણાના સિરસાની પાસે આ કાર દૂર્ઘટના ઘટી હતી, જેમાં ચાર લોકો ગંભીર રીતે ઘાયલ થયા હતા, અને એક 30 વર્ષીય યુવતીનુ મોત થઇ ગયુ હતુ.
ખબરો અનુસાર, તે એક સંગીત કલાકાર હતી, ઘટનાને લઇને ઇન્ડિયા ન્યૂઝ હરિયાણાએ પણ ખબર ચલાવી હતી. સોશ્યલ મીડિયા પર સપના ચૌધરીના મોતની ખબર વાયરલ થઇ હતી. હવે આ સમાચારના કેટલાક ફૂટેજ સપના ચૌધરીના નામે વાયરલ થઈ રહ્યા છે. આવી સ્થિતિમાં લોકો તેને હરિયાણવી ડાન્સર સપના ચૌધરી માને છે. કેટલાક લોકો તેના નિધનની ખોટી અફવા ફેલાવી રહ્યાં છે.
ઉલ્લેખનીય છે કે, સપના ચૌધરી જાણીતી હરિયાણવી ડાન્સર અને સિંગર છે. તેનો ડાન્સ અને ગીતોને ફેન્સ ખૂબ પસંદ કરે છે. સપનાએ કેટલીક ફિલ્મોમાં પણ કામ કર્યું છે. તે ટીવી રિયાલિટી શો બિગ બોસની 11 મી સીઝનનો ભાગ રહી છે.