મુંબઈઃ અબજો રૂપિયાના કૌભાંડમાં જેલની હવા ખાઈ રહેલા સુકેશ ચંદ્રશેખરનાં એક પછી એક કરતૂતો બહાર આવી રહ્યાં છે. સુકેશના બોલીવુડની એક્ટ્રેસીસ સાથેના સંબધો પણ બહાર આવી રહ્યા છે. સુકેશ ચંદ્રશેખરે ડિરેક્ટોરેટ ઓફ એન્ફોર્સમેન્ટ (ED)ના અધિકારીઓ દ્વારા પૂછપરછ દરમિયાન ફિલ્મ અભિનેત્રી જેકલીન ફર્નાન્ડિઝ સાથેના સંબધો અંગે ચોંકાવનારા ખુલાસા કર્યા હતા. ડિરેક્ટોરેટ ઓફ એન્ફોર્સમેન્ટ (ED) દ્વાર દાખલ કરાયેલા ચાર્જશીટમાં કરાયેલા દાવા પ્રમાણે જેકલીન સુકેશ સાથે ચેન્નાઈની ફાઈવ સ્ટાર હોટલમાં રોકાઈ હતી અને બંનેએ ખૂબ જલસા કર્યા હતા.
ડિરેક્ટોરેટ ઓફ એન્ફોર્સમેન્ટ (ED)ના ચાર્જશીટમાં સુકેશના બોલીવુડની આઈટમ ગર્લ નોરા ફતેહી સાથે પણ સંબધો હોવાનો ખુલાસો થયો છે. સુકેશ ચંદ્રશેખરે નોરા ફતેહીને પણ 1 કરોડ રૂપિયાની ગિફ્ટ આપી હોવાનો ડિરેક્ટોરેટ ઓફ એન્ફોર્સમેન્ટ (ED)ના ચાર્જશીટમાં દાવો કરાયો છે. ડિરેક્ટોરેટ ઓફ એન્ફોર્સમેન્ટ (ED)ના ચાર્જશીટમાં કરાયેલા દાવા પ્રમાણે, સુકેશે એક્ટ્રેસ નોરા ફતેહીને પણ BMW કાર અને આઇફોન ગિફ્ટમાં આપ્યો હતો. સુકેશે આપેલી ગિફ્ટની કિંમત અંદાજે 1 કરોડ રૂપિયાથી વધુ હતી.
ડિરેક્ટોરેટ ઓફ એન્ફોર્સમેન્ટ (ED)એ સુકેશ ચંદ્રશેખર, તેની પત્ની લીના માયરા પોલ અને અન્ય છ લોકો વિરુદ્ધ 200 કરોડના મની લોન્ડરિંગ કેસમાં 7 હજાર પેજની ચાર્જશીટ ફાઇલ કરી છે. આ ચાર્જશીટમાં દાવો કરાયો છે કે, સુકેશ ચંદ્રશેખરે પૂછપરછ દરમિયાન ફિલ્મ અભિનેત્રી જેકલીન ફર્નાન્ડિઝ સાથેના સંબધો અંગે ચોંકાવનારા ખુલાસા કર્યા છે. ચાર્જશીટમાં કરાયેલા દાવા પ્રમાણે જેકલીન સુકેશ સાથે ચેન્નાઈની ફાઈવ સ્ટાર હોટલમાં રોકાઈ હતી અને બંનેએ ખૂબ જલસા કર્યા હતા.
ચાર્જશીટમાં કરાયેલા દાવા પ્રમાણે, સુકેશ જેલમાં હતો ત્યારે પણ જેકલીન સાથે મોબાઇલ પર વાત કરતો હતો. સુકેશ જામીન પર છૂટીને બહાર આવ્યો ત્યારે તેણે દિલ્હીથી ચેન્નઈ માટે ચાર્ટર્ડ ફ્લાઇટ બુક કરી હતી. સુકેશે જેક્લીન માટે મુંબઈથી દિલ્હી સુધીની ચાર્ટર્ડ ફ્લાઇટ પણ બુક કરી હતી. સુકેશ તથા જેકલીન બંને ચેન્નઈની એક હોટલમાં રોકાયા હતા. સુકેશે ચાર્ટર્ડ ફ્લાઇટ માટે અંદાજે 8 કરોડ રૂપિયાનો ખર્ચ કર્યો હતો.