Kajal Pisal On TMKOC Dayaben: નાના પડદાની સૌથી પૉપ્યુલર સીરિયલ તારક મહેતા ઉલ્ટા ચશ્મા (Taarak Mehta Ka Ooltah Chashmah) છેલ્લા ઘણા સમયથી દયાબેન વિના ચાલી રહી છે. શૉમાં દિશા વાકાણી દયા બેનનુ પાત્ર ભજવીને ઘરે ઘરે પૉપ્યૂલર થઇ ચૂકી છે, પરંતુ તે હવે શૉમાં નથી, તેની રિપ્લેસ કરવા માટે શૉ મેકર ઘણી કોશિશ કરી રહ્યાં છે, પરંતુ યોગ્ય પાત્ર મળી શકતુ નથી. આવામાં સમાચાર હતા કે ટીવી એક્ટ્રેસ કાજલ પિસલ (Kajal Pisal) ના નામ પર ખુબ ચર્ચા થઇ હતી, હવે ખુદ એક્ટ્રેસ કાજલ પિસલે દયાબેનના રૉલને લઇને મોટો ખુલાસો કર્યો છે.
કાજલ પિસલે દયાબેનના રૉલ માટે આપી ઓડિશન -
શનિવારે કાજલ પિસલે પોતાના ઓફિશિયલ ઇન્સ્ટાગ્રામ હેન્ડલ પર એક ખાસ પૉસ્ટ શેર કરી છે, આ પૉસ્ટમાં તમે જોઇ શકો છો કે, કાજલ પિસલ ટીવી શૉ તારક મહેતા કા ઉલ્ટા ચશ્માની દયાબેનના લૂકમાં દેખાઇ રહી છે. વળી સતરંગી સાડી અને અંદાજ કાજલ પિસલને હૂબહુ દયાબેનનો જેવા બનાવી રહી છે. આવામાં અફવા છે કે કાજલ પિસલ જ આગામી દયાબેન હશે.
પરંતુ આ તમામ વાતો પર હવે ખંડન કરતાં કાજલ પિસલે ઇન્સ્ટા પૉસ્ટમાં બતાવ્યુ છે કે, તેમને તારક મહેતા કા ઉલ્ટા ચશ્મા શૉમાં દયા બેનની ભૂમિકા માટ લૂક ટેસ્ટ કર્યો હતો, જોકે, બાદમાં શૉના મેકર્સ તરફથી મને કોઇ કૉલ પાછો નથી આવ્યો. પરંતુ આ તમામ વસ્તુઓ મારી કેરિયર પર કોઇ પ્રભાવ નથી પાડી રહ્યું. જેવુ ચાલી રહ્યું હતુ બધુ એવુ જ ચાલી રહ્યુ છે. પરંતુ હુ એ કહેવા માંગીશ કે જો દયાબેનની ભૂમિકા મને નિભાવવા મળતી તો મારા કેરિયર માટે બહુજ મોટો મોકો હતો.
શૉના મેકરે કાજલ પિસલ પર શું કહ્યું-
ઉલ્લેખનીય છે કે, તારક મહેતા કા ઉલ્ટા ચશ્મા (Taarak Mehta Ka Ooltah Chashmah) શૉના મેકર અસિત મોદીએ તેના નિવેદન પર રિએક્ટ કર્યુ છે, જેમાં અસીતે કાજલ પિસલ (Kajal Pisal)ને ના ઓળખવાની વાત કહી હતી, કાજલ પિસલે કહ્યું કે - હું અને અસિત એકબીજાને વ્યક્તિગત રીતે કે ધંધાકીય રીતે પણ નથી ઓળખતા, પરંતુ ભવિષ્યમાં તેમની સાથે કામ કરવા માટે ઉત્સુક છું.
આ પહેલા પણ દયાબેનના પાત્ર માટે ઘણી અભિનેત્રીઓના નામ સામે આવ્યા છે, જેની મને ખબર પણ નથી. દયાબેનના કાસ્ટિંગ વિશે વાત કરતા આસિતે કહ્યું કે હજુ સુધી કંઈ ફાઈનલ થયું નથી. તેમણે કહ્યું કે ઓડિશન ચાલુ છે, પરંતુ અમે કોઈને ફાઈનલ કરી નથી. જ્યારે દયા કાસ્ટિંગમાં જશે, ત્યારે દરેકને કંઈક ખબર પડશે.