Sana Sayyad: મનોરંજન જગતમાંથી એક ખુશીના સમાચાર ફેન્સ માટે આવ્યા છે. થોડા દિવસો પહેલા ટીવી એક્ટ્રેસ સના સૈયદે તેના મેટરનિટી શૂટની સુંદર બેબી બમ્પ તસવીરો શેર કરીને તેની પ્રથમ પ્રેગનન્સીની જાહેરાત કરી હતી. 'કુંડળી ભાગ્ય'ની જાણીતી અભિનેત્રીએ હવે તેના ફેન્સ સાથે વધુ એક સારા સમાચાર શેર કર્યા છે.
સના સૈયદે તેના પતિ ઈમાદ સાથેનું એક સુંદર પૉસ્ટર સોશિયલ મીડિયા પર શેર કર્યું અને કહ્યું કે તેમના ઘરે દીકરીનો જન્મ થયો છે. લગ્નના 3 વર્ષ બાદ આ દંપતીએ તેમના પ્રથમ બાળકનું સ્વાગત કર્યું છે. જ્યારથી આ સમાચાર આવ્યા છે ત્યારથી ઇન્ડસ્ટ્રીના લોકો અને મિત્રો તેને અભિનંદન આપી રહ્યા છે.
ટીવી એક્ટ્રેસ બની પહેલીવાર માં
સના સૈયદે લખ્યું, 'બેબી ગર્લનું સ્વાગત છે, 9.10.2024 સના અને ઈમાદ. આ પૉસ્ટ જોઈને, કોઈપણ વ્યક્તિ કલ્પના કરી શકે છે કે લગ્નના 3 વર્ષ પછી તેમના પ્રથમ બાળકનું સ્વાગત કરવા માટે કપલ કેટલું ઉત્સાહિત હતું. સના સૈયદે પણ સોશિયલ મીડિયા પર તેના પતિ સાથેની કેટલીક તસવીરો શેર કરીને તેની પ્રેગ્નન્સીની જાહેરાત કરી હતી, જેમાં તેનો બેબી બમ્પ દેખાઈ રહ્યો હતો. અભિનેત્રીએ સફેદ સ્વેટર અને બ્લૂ ડેનિમ પહેરેલી તસવીરો પૉસ્ટ કરી હતી, જ્યારે અન્ય પૉસ્ટમાં તે બ્લેક બૉડીકોન ડ્રેસ પહેરેલી જોવા મળી હતી.
સના સૈયદ બાદ આ એક્ટ્રેસ બનશે માં
ટીવી એક્ટ્રેસ સના સૈયદે પોતાની પ્રેગ્નન્સીના કારણે 'કુંડલી ભાગ્ય' છોડી દીધી છે. જો કે તેણે આ સમાચાર છુપાવવાનો પ્રયાસ કર્યો, પરંતુ આ સમાચાર લીક થઈ ગયા અને જંગલની આગની જેમ ફેલાઈ ગયા. સનાએ પ્રેગનન્સીની અફવાઓ પર મૌન જાળવી રાખ્યું હતું અને સોશિયલ મીડિયા પર પણ સક્રિય રહી હતી કારણ કે દરેક તેની સત્તાવાર જાહેરાતની આતુરતાથી રાહ જોઈ રહ્યા હતા. 'કુંડલી ભાગ્ય'માં સના સૈયદની જગ્યાએ અદ્રિજા રોય પાલકીની ભૂમિકામાં જોવા મળે છે. રસપ્રદ વાત એ છે કે શોમાં પ્રીતાનું પાત્ર ભજવનારી શ્રદ્ધા આર્ય પણ ગર્ભવતી છે અને ટૂંક સમયમાં માતા બનવા જઈ રહી છે. તાજેતરમાં જ તેની બેબી શાવર સેરેમની થઈ હતી.
આ પણ વાંચો
Ratan Tata: આ બોલિવૂડ અભિનેત્રીના પ્રેમમાં હતા રતન ટાટા,લગ્નના બંધન સુધી ન પહોંચી શકી લવ સ્ટોરી