અહેવાલ અનુસાર હાલમાં જ રમાયેલ ભારત પાકિસ્તાન મેચ માટે ઉર્વશીએ હાર્દિક પંડ્યા પાસે બે ટિકિટની વ્યવસ્થા કરવા માટે કહ્યું હતું. જણાવીએ કે, ઉર્વશી હાલમાં કામ માટે લંડનમાં છે. સ્પોટ બોયના અકે અહેવાલ અનુસાર ઉર્વશીએ આ મીડિયા અહેવાલને ફગાવી દીધા છે અને કહ્યું કે, તે લંડનમાં કોઈ કામ માટે છે અને તેની પાસે મેચ જોવાનો સમય નથી તો પછી તે ટિકિટ શા માટે માગે?
સ્પોટ બોયના અહેવાલ અનુસાર ઉર્વશી રૌતેલાએ કહ્યું, ‘આ બધા અહેવાલ ખોટા છે. હું તો ખુદ શૂટિંગ માટે અહીં લંડનમાં છું અને મેચ જોવાનો સમય જ નથી. સાથે જ મેચ માન્ચેસ્ટરમાં હતો અને લંડન ત્યાંથી ઘણું દૂર છે. મહેરબાની કરીને તમે આ પ્રકારની અફવાઓ પર વિશ્વાસ ન કરો.’