વિરાટ કોહલી બન્યો દેશની મૉસ્ટ વેલ્યૂએબલ સેલિબ્રિટી, શાહરૂખની કરી ઓવરટેક

2016ના રિપોર્ટમાં શાહરૂખની બ્રાન્ડ વેલ્યુ 838 કરોડ રૂપિયા અને કોહલીની બ્રાન્ડ વેલ્યુ 592 કરોડ રૂપિયા હતી. આ વખતના રિપોર્ટમાં દીપિકા પાદુકોણ (595 કરોડ રૂપિયા) ત્રીજા નંબર પર, અક્ષય કુમાર (300 કરોડ રૂપિયા) ચોથા નંબર પર અને રણવીર સિંહ (269 કરોડ રૂપિયા) પાંચમા નંબર પર છે.

સેલિબ્રિટીની બ્રાન્ડ વેલ્યુ સાથે જોડાયેલા રિપોર્ટ 'રાઇઝ ઑફ મિલેનિયલ્સ: ઇન્ડિયાઝ મોસ્ટ વેલ્યુએબલ સેલિબ્રિટી બ્રાન્ડ' માંથી આ પરિણામો નીકળ્યા છે. ગ્લોબલ ફાઇનાન્સ એડવાઇઝર અને સેલિબ્રિટી વેલ્યુએશન ફર્મ 'ડફ એન્ડ ફેલ્પ્સ'એ આ રિપોર્ટ તૈયાર કર્યો છે.

ડફ એન્ડ ફેલ્પ્સ છેલ્લા ત્રણ વર્ષથી આ પ્રકારનો રિપોર્ટ તૈયાર કરી રહી છે. છેલ્લા બંને રિપોર્ટમાં શાહરૂખ ખાન જ પહેલા નંબરે રહ્યો હતો. પહેલા રિપોર્ટમાં કોહલી ચોથા નંબર પર હતો, બીજા રિપોર્ટમાં બીજા નંબર પર અને આ વખતે ટોપ પર આવી ગયો.

નવી દિલ્હીઃ ઇન્ડિયન ક્રિકેટ ટીમના કેપ્ટન વિરાટના માથે વધુ એક મોરપીંછ ઉમેરાયું છે. કોહલી હવે એક્ટર શાહરૂખ ખાનને પાછળ છોડીને દેશનો મૉસ્ટ વેલ્યૂએબલ સેલિબ્રિટી બ્રાન્ડ બની ગયો છે. તેની બ્રાન્ડ વેલ્યુ 922 કરોડ રૂપિયા થઇ ગઇ છે. નોંધનીય છે કે, શાહરૂખની બ્રાન્ડ વેલ્યુ (679 કરોડ રૂપિયા)થી 243 કરોડ રૂપિયા વધુ છે.