બુમરાહે હાલમાં જ એક યૂટ્યૂબ ચેનલને ઇન્ટરવ્યૂ આપ્યો, જેમાં તેને પૂછવામાં આવ્યું કે, બોલિવૂડમાં અનુષ્કા શર્મા કે દીપિકા પાદુકોણમાંથી કઈ એક્ટ્રેસ સૌથી વધારે હોટ છે. આ સવાલે બુમરાહ માટે મુશ્કેલી ઉભી કરી દીધી. બુમરાહ માટે આ સવાલ એટલા માટે મુશ્કેલ હતો કારણ કે અનુષ્કા શર્મા ટીમ ઇન્ડિયાના કેપ્ટન વિરાટ કોહલીની પત્ની છે.
જોકે બુમરાહે સુરક્ષિત રમત રમતા તેણે દીપિકાનું નામ લીધું અને સાથે જ એન્કરને સામો સવાલ કર્યો કે, ‘આ એક સુરક્ષિત વિકલ્પ નથી.’ બુમરાહને જોઈને સ્પષ્ટ જોવા મળતું હતું કે તે અનુષ્કા શર્માને નજર અંદાજ કરી શકે એમ ન હતો અને દીપિકા પાદુકોણ માટે ના પણ કહી શકે એમ ન હતો.
આ દરમિયાન બુમરાહે આલિયા ભટ્ટ અને પરિણીતિ ચોપરામાંથી તેની ફેવરેટ એક્ટ્રેસ વિશે પૂછવામાં આવ્યું તો તેણે કહ્યું, મેં આલિયાની કેટલીક તસવીર જોઈ છે. તો આલિયા, ત્યારે જ એન્કરે પૂછ્યું કે તને આલિયા પસંદ છે? બુમરાહે કહ્યું, ‘મેં તેમની ફિલ્મ જોઈ છે. માટે હું તેને અનુકૂળ હોઈ શકું છું.’