ફ્લિપકાર્ટ પર માત્ર અડધા કલાકમાં આઉટ ઓફ સ્ટોક થયો 1 લાખ રૂપિયાનો iPhone X

આ ફોન પર્લસેંટ ઇફેક્ટ સાથે સિલ્વર અને સ્પેસ ગ્રે કલરમાં ઉપલબ્ધ છે.

આ ફોનમાં કંપનીનું લેટેસ્ટ 6 કોરવાળું A11 પ્રોસેસર આપવામાં આવ્યું છે.

iPhone Xમાં 12 મેગાપિક્સલના બે રિયર કેમેરા આપ્યા છે. જેમાં પહેલાનું અપાર્ચર f/1.8 અને બીજા કેમેરાનું અપાર્ટર f/2.4 તેમજ 7 મેગાપિક્સલનો ફ્રંટ કેમેરા છે.

આ ફોનમાં વાયરલેસ ચાર્જિંગની સુવિધા છે. તેની બેટરી આઈફોન 7 કરતા 2 કલાક વધુ ચાલશે તેવો દાવો કરવામાં આવી રહ્યો છે.

આઇફોનના મોડેલમાં સિક્યોર લોકિંગ માટે ફિંગરપ્રિન્ટ સેન્સર નથી. ટચ આઈડીને ફેસ આઈડી સાથે રિપ્લેસ કરી દેવામાં આવ્યું છે. જે તમારા ચહેરાને ઓળખીને iPhone Xને અનલોક કરશે. સાથે જ પાસવર્ડની સુવિધા પણ છે. તો અંધારમાં પણ ફેસ રિકોગ્નિશન માટે આગળની તરફ ઇન્ફ્રારેડ કેમેરો આપેલો છે જે અંધારામાં પણ તમારા ચહેરાને ઓળખી લે છે. કંપનીનો દાવો છે કે ફેસ આઇડી ટચ આઈડી કરતા વધુ ઝડપી અને સુરક્ષિત છે.

આ ફોનમાં કોઈ હોમ બટન નથી આપવામાં આવ્યું. હોમ પર જવા માટે તમારે સ્ક્રીનને નીચેથી ઉપર તરફ સ્વાઇપ કરવી પડે છે.

આ ફોનની બોડીમાં ફક્ત ગ્લાસ અને સ્ટેનલેસ સ્ટીલનો ઉપયોગ કરવામાં આવ્યો છે. આ ફોનનું ફ્રન્ટ અને બેકપેનલ ગ્લાસની છે. જ્યારે બોડી સ્ટેનલેસ સ્ટીલની બનેલી છે.

આ વર્ષે લોંચ થયેલા 3 iPhone મોડેલ્સમાં આ એકમાત્ર ફોન છે જેમાં OLED ડિસ્પ્લે આપવામાં આવી છે. જેનું રિઝોલ્યુશન 1125*2436 પિક્સલ છે. કંપનીએ આ ડિસ્પ્લેને સુપર રેટિના ડિસ્પ્લે નામ આપ્યું છે.

ફ્લિપકાર્ટ પર આપવામાં આવેલી જાણકારી અનુસાર આઈફોન એક્સનો લિમિટેડ સ્ટોક ઉપલબ્ધ હતો. હવે જો કોઈ ગ્રાહક આ નવા આઈફોનનું પ્રી બુકિંગ કરાવવા માગે છે તો તેણે ઈ-મેલ આઈડીની જાણકારી આપીને નોટિફાઈ મીનો વિકલ્પ પસંદ કરવો પડશે. ઈ-કોમર્સ વેબસાઇટ ગ્રાહકોને યૂનિટ ઉપલબ્ધ થવા પર જાણકારી આપશે. હાલમાં એ સ્પષ્ટ નથી કે આઈફોન એક્સની પ્રી-બુકિંગ ફરીથી ક્યારે શરૂ થશે. ભારતમાં આઈફોન એક્સના 64 જીબી મોડલની કિંમત 79,000 રૂપિયા અને 256 જીબી મોડલની કિંમત 1,02,000 રૂપિયા હશે.

નવી દિલ્હીઃ એપલ આઈફોન X ભારતમાં શુક્રવારે એટલે કે 27 ઓક્ટોબરે બપોરે 12.31 કલાકે ફ્લિપકાર્ટ પર પ્રી-ઓર્ડર માટે ઉપલબ્ધ થયો. જોકે આઈફોન એક્સના પ્રી ઓર્ડરની શરૂઆતના અડધા કલાકની અંદરમાં જ તે આઉટ ઓફ સ્ટોક થઈ ગયો હતો.