રિલાયન્સનો સૌથી સસ્તો 4G VOLTE ફીચર ફોન તમને સાવ મફતમાં મળી શકે છે, જાણો કઈ રીતે?
મુંબઈઃ રિલાયન્સ જિઓએ આજે વાર્ષિક બેઠકમાં મુકેશ અંબાણીએ જિઓ ઇન્ફોકોમની અત્યાર સુધીની ઉપલબ્ધિઓનો ઉલ્લેખ કરતાં એ લોકોના આભાર માન્યો જે જિઓના ગ્રાહક છે. તેમણે જિઓ ફીચર ફોનની જાહેરાત કરી. આ ફોન ખાલી 1500 રૂપિયાની સિક્યોરિટી ડિપોઝીટ ભરીને મળી શકશે. આ રૂપિયા પણ રિફંડેબલ હશે અને તે ત્રણ વર્ષ પછી તમને રિફંડ મળશે.
કંપની આ ફોનની સાથે 1500 રૂપિયા સિક્યોરિટી તરીકે લેશે જે ત્રણ વર્ષ પછી રિફંડેબલ હશે. આમ આ ફોન તમને 0 રૂપિયામાં પડશે. જે 153 રૂપિયાના ટેરીફ સાથે આવશે. જિઓનો ફોનમાં ટીવી કેબલની સુવિધા પણ હશે. આ ફોનને કોઈપણ ટીવી સાથે કનેક્ટ કરીને ટીવી જોઈ શકાશે. જિઓફોનમાં ટીવી કેબલની સુવિધા માટે 309 રૂપિયા ચૂકવવા પડશે.
રિલાયન્સ જિઓના આ ફોનને કહેવામાં આવ્યું કે આ ફોન વોઈસ કમાન્ડ ઉપર કામ કરશે. એટલે કે તમે કીબોર્ડ પર પ્રેસ કર્યા વગર ઉપયોગ કરી શકો છો. જિઓના આ ફીચર ફોનમાં તમે અનલિમિટેડ ડેટાનો ઉપયોગ કરી શકશો. જિઓ ફોન પર જિઓ ધન ધના ધન પ્લાન 150 રૂપિયામાં મળશે. જિઓ 153 રૂપિયામાં જિઓફોન ગ્રાહકોને અનલિમિટેડ ડેટાની સુવિધા આપશે. જિઓનો આ ફોન 22 ભાષાઓનો સપોર્ટ કરશે.