હવે આવશે નોકિયા 3310નું 4G અને એન્ડ્રોઈડ વેરિએન્ટ!

જણાવી દઈએ કે, આ વર્ષે ફેબ્રુઆરીમાં મોબાઈલ વર્લ્ડ કૉંગ્રેસમાં નોકિયાએ પોતાના આઈકોનિક ફોન 3310ને લૉન્ચ કર્યો હતો. લોન્ચિંગ વખતે આ સ્માર્ટફોન 2G અને બાદમાં 3G વેરિએન્ટમાં પણ ઉતારવામાં આવ્યો. ભારતમાં તેની કિંમત પણ 3310 રૂપિયા રાખવામાં આવી હતી.

નોકિયા 3310નું 4G વેરિએન્ટ આ પહેલા પણ સ્પોટ થઈ ચૂક્યું છે. અગાઉ આ ફોન નોકિયા 6ની સાથે લૉન્ચ થશે તેવા સમાચાર હતા.

નવી દિલ્હીઃ વર્ષ 2017માં નોકિયાએ પોતાનો ઔતિહાસિક ફોન 3310 લોન્ચ કર્યો. પોતાના પ્રથમ વર્ઝનમાં મજબૂતીનું બીજું નામ રહેલ આ મોબાઈલને અન્ય વેરિએન્ટમાં આવતા જ ખૂબ ચર્ચામાં રહ્યો. પરંતુ નોકિયા 3310ના નવા વર્ઝનમાં એક ખોટ હતી. મજબૂતી, કેમેરો બધુ જ બરાબર હતું પરંતુ નેટવર્ક 2.5જી હતી. 4જીના જમાનામાં આ ધીમા નેટવર્કથીલોકો નિરાશ થયા હતા. જોકે HMD ગ્લોબલ ઈન્ડિયા 3310 (2017)નું 4G વેરિએન્ટ લૉન્ચ કરી શેક છે.

હાલમાં જ ચીનની સર્ટિફિકેશન વેબસાઈટ TEENA પર નોકિયા 3310ના આ નવા વેરિએન્ટ મોડલ નંબર TA-1077 સાથે સ્પોટ કરવામાં આવ્યું છે.

રિપોર્ટ્સ અનુસાર, આ ફોન TD-LTE, TD-SCDMA અને GSM નેટવર્કને કેચ કરશે. આશા છે કે, નોકિયા 3310નું 4G વેરિએન્ટ અલીબાબાની YunOS ઓપરેટિંગ સિસ્ટમને સપોર્ટ કરશે જે એન્ડ્રોયડ ઓપરેટિંગ સિસ્ટમનું એક કસ્ટમાઈઝ વેરિએન્ટ છે.