ગુજરાતના 14 IPSને અપાઇ બઢતી, જાણો કોને કયા ગ્રેડમાં મુકાયા ?

1993 બેચ ના 4 આઇપીએસ અધિકારીઓને આઈજીમાંથી એડિજીપીમાં પ્રમોશન અપાયું છે, જેમાં જી. એસ. મલિક, હસમુખ પટેલ, ડો. નીરજા ગોટરૂ રાવ અને જે. કે. ભટ્ટનો સમાવેશ થાય છે.

ગાંધીનગરઃ રાજ્યના આઈપીએસ બેડામાં બઢતીનો દોર શરૂ થયો છે. 14 આઈપીએસને બઢતી આપવામાં આવી છે, જેમાં ચાર અધિકારીને AGDP તરીકે, ચાર અધિકારીને આઇજી તરીકે, જ્યારે 6 અધિકારીને સિલેક્શન ગ્રેડમાં બઢતી આપવામાં આવી છે. ગૃહ વિભાગ દ્વારા બઢતીના આદેશ અપાયા છે.

2000ની બેચના 4 અધિકારીઓની ડીઆઈજીમાંથી આઈજી તરીકે બઢતી કરવામાં આવી છે, જેમાં વી ચંદ્રશેખર, નિપુના તોરવણે, એમ.એમ અનારવાલા અને ડી બી વાઘેલાનો સમાવેશ થાય છે.

જ્યારે 2005ની બેચના 6 અધિકારીઓને સિલેક્શન ગ્રેડ અપાયો છે, જેમાં મનીંદર પવાર, હિમાંશુ શુકલા, રાઘવેન્દ્ર વત્સ, પ્રેમવીર સિંહ, એમ એસ ભરાડા અને એચ આર ચૌધરીનો સમાવેશ થાય છે.