ધારાસભ્યોના પગાર વધારાને લઈને કોંગ્રેસના MLA અલ્પેશ ઠાકોરે શું કહ્યું? જાણો વિગત

ઘણાં ધારાસભ્યોએ એવું કહ્યું હતું કે, હું તમામ રકમ શિક્ષણ પાછળ વાપરું છું. અમુક લોકોએ કહ્યું હતું કે, અમે દવાખાના પાછળ રકમ વાપરીએ છીએ. આ લોકો પાસેથી હિસાબ કોણ માંગશે. ઘણાં ધારાસભ્યોએ નૈતિકતાને નેવે મૂકી દીધી છે.

કોઈએ અલ્પેશ ઠાકોરને પ્રશ્ન પૂછ્યો હતો કે હું કેમ ચૂપ રહ્યો? વિધાનસભામાં કોઈને ખબર ન પડે તેમ આ બધુ પાંચ મીનિટમાં જ પતિ ગયું હતું.

એક લાખમાં શું થાય? ધારાસભ્યએ ઘણાં ખર્ચાં કરવા પડતા હોય છે. ઘણાં ધારાસભ્યો એવા છે જેમને લોકોએ ધારાસભ્ય બનાવ્યા છે તેમની પાસે ગાંધીનગર આવવા માટે ડીઝલના પણ પૈસા નથી. આ લોકોને પગાર વધારાની જરૂર છે. અમારા જેવા ધારાસભ્યોને પગાર વધારાની કોઈ જરૂર નથી.

અલ્પેશ ઠાકોરે વધુમાં જણાવ્યું હતું કે, બીજી હકીકત એવી પણ છે કે 50 ટકા ધારાસભ્યો એવા છે જેમને ખરેખર પગાર વધારાની જરૂર છે. કારણ કે તેમના માટે તેમના પરિવારનો જીવન નિર્વાહ કરવો મુશ્કેલ છે. જે લોકો ખરેખર સમાજ સેવા કરી રહ્યા છે તેમના પગાર વધારાની જરૂર છે. બાકી એક લાખમાં કોઈ રાજનેતા સેવા ન કરી શકે.

બનાસકાંઠાના ગોળા ગામ ખાતે અંબાજી મેળાના પદયાત્રીકો માટે ક્ષત્રિય ઠાકોર સેનાના કેમ્પની મુલાકાતે આવેલા અલ્પેશ ઠાકોરે વધુમાં જણાવ્યું હતું કે, અમુક ધારાસભ્યોને બહાર આવીને ભાન થયું હતું કે લોકો અમારા પર ગુસ્સો કાઢશે. આ કારણે તેઓ પગાર વધારો ન લેવાની વાતો કરી રહ્યા હતા. વિધાનસભામાં તમામ ધારાસભ્યોએ પગાર વધારા માટે સરકાર સાથે હાથ મીલાવી દીધા હતાં. બિલ પસાર થયા બાદ ધારાસભ્યો કોઈની નજર ન પડે તેમ ટેબલ નીચે હાથ મિલાવી રહ્યા હતા.

બનાસકાંઠાઃ વિધાનસભાના ચોમાસું સત્ર દરમિયાન ધારાસભ્યોના પગાર વધારા અંગેનું બિલ વિધાનસભામાં પસાર કરવામાં આવ્યું હતું જેમાં ધારાસભ્યોના પગારમાં વધારો કરવામાં આવ્યો હતો. ધારાસભ્યોના પગાર વધારાને લઈને રાધનપુરના ધારાસભ્ય અલ્પેશ ઠાકોરે જણાવ્યું હતું કે, બહાર પગાર વધારો લેવાની ના કહેનારા તમામ ધારાસભ્યોએ ગૃહમાં પગાર વધારા માટે હા પાડી હતી. એટલું જ નહીં પગાર સુધારા વિધેયક ગૃહમાં રજૂ થયા બાદ ધારાસભ્યો ટેબલ નીચે હાથ મિલાવી રહ્યા હતા.