બનાસકાંઠાની 14 તાલુકા પંચાયતોમાંથી કઈ કઈ પંચાયત કોંગ્રેસે કરી કબ્જે? જાણો વિગત

જ્યારે દીયોદર તાલુકા પંચાયતની બાવીસ બેઠકો પૈકી 22ના પરિણામ જાહેર થયા છે, જેમાંથી ભાજપે 11 અને કોંગ્રેસે 11 બેઠક જીતી છે. આમ આ બેઠક પર ટાઇ પડી છે. લાખણી તાલુકા પંચાયતની બાવીસ બેઠકો પૈકી 20ના પરિણામ જાહેર થયા છે, જેમાંથી ભાજપે 10 અને કોંગ્રેસે 10 બેઠક જીતી છે. અહીં બે બેઠકના પરિણામ બાકી છે.

પાલનપુરઃ બનાસકાંઠાની 14 તાલુકા પંચાયતોની ચૂંટણીમાંથી પાંચ કોંગ્રેસે જીતી લીધી છે. જ્યારે એક પર ટાઇ પડી છે. પાલનપુર તાલુકા પંચાયતની 34 બેઠકો પૈકી 27ના પરિણામ જાહેર થયા છે, જેમાંથી ભાજપે 10 અને કોંગ્રેસે 17 બેઠક જીતી છે. ભાભર તાલુકા પંચાયતની 18 બેઠકો પૈકી 17ના પરિણામ જાહેર થયા છે, જેમાંથી ભાજપે 5 અને કોંગ્રેસે 12 બેઠક જીતી છે.

દાંતા તાલુકા પંચાયતની તમામ છવ્વીસ બેઠકોના પરિણામ જાહેર થયા છે, જેમાંથી ભાજપે 9 અને કોંગ્રેસે 17 બેઠક જીતી છે. કાંકરેજ તાલુકા પંચાયતની 30 બેઠકો પૈકી 30ના પરિણામ જાહેર થયા છે, જેમાં 8 ભાજપ, 21 કોંગ્રેસ અને એક અપક્ષને ફાળે ગઈ છે. દાંતીવાડા તાલુકા પંચાયતની તમામ 18 બેઠકોના પરિણામ જાહેર થયા છે, જેમાં 7 ભાજપ અને 9 કોંગ્રેસ અને બે બેઠક અપક્ષને ફાળે ગઈ છે.