કોંગ્રેસે બીજી યાદી કરી જાહેર, છેલ્લી ઘડીએ આ ચાર સીટ પર ઉમેદવારો બદલ્યા

સુરતની કામરેજ સીટ પર નિલેશ કુંભાણીનું નામ હટાવીને તેની જગ્યાએ અશોક જીરાવાલાને ટિકિટ આપવામાં આવી છે. જ્યારે જુનાગઢથી અમિત ઠુમરની જગ્યાએ ભીખાભાઈ જોશીને ટિકિટ આપવામાં આવી છે.

અમદાવાદઃ ગુજરાત વિધાનસભા ચૂંટણીને લઈને કોંગ્રેસે ઉમેદવારોની બીજી યાદી જારી કરી છે. કોંગ્રેસે સોમવારે મોડીરાત્રે 13 ઉમેદવારોની યાદી જારી કરી છે. આ યાદીમાં 9 નવી સીટના નામની જાહેરાત કરવામાં આવી છે જ્યારે 4 સીટ પર ઉમેદવારો બદલવામાં આવ્યા છે.

બીજી યાદીમાં 4 ઉમેદવારોને બદલવામાં આવ્યા છે. તેમાં સૂરતની વરાછા સીટ પરથી પ્રફુલભાઈ તોતગડિયાનું નામ હટાવીને તેની જગ્યાએ ધીરૂભાઈ ગજેરાને ટિકિટ આપવામાં આવી છે.

જ્યારે ભરૂચની સીટ પર પણ ઉમેદવાર બદલવામાં આવ્યા છે. અહીંથી હવે જટેશ પટેલને ટિકિટ આપવામાં આવી છે જ્યારે પહેલા કિરણ ઠાકોરને ટિકિટ આપવામાં આવી હતી.