રાજ્યસરકારે બ્લૂ વ્હેલ ગેમ રોકવા શરૂ કરી હેલ્પલાઈન, જાણકારી આપનારને એક લાખનું ઈનામ

બ્લૂ વ્હેલ ગેમ પર રોક લગાવવા માટે સરકારે આ જાહેરાત પણ કરી કે, બ્લૂ વ્હેલ સંબંધિત જાણકારી હેલ્પલાઈન નંબર પર આપનાર શખ્સને એક લાખ રૂપિયાનું ઈનામ પણ આપવામાં આવશે. ગુજરાતના ગૃહરાજ્ય મંત્રી પ્રદિપ સિંહ જાડેજાએ કહ્યું કે, આ ગેમને લઈને તમામ જિલ્લાના એસએસપી, કલેક્ટર અને પોલીસને ગાઈડલાઈન જારી કરવામાં આવી છે.

અમદાવાદ: રાજ્ય સરકારે બ્લૂ વ્હેલ ગેમના કારણે બનતી ઘટના પર નિયંત્રણ લાવવા આ ગેમ પર પ્રતિબંધ લગાવી દીધો છે. પરંતુ આ ગેમ રમનારની સંખ્યા વધતી જાય છે. સરકારે બ્લૂ વ્હેલ ગેમને લઈને હેલ્પલાઈન નંબર પણ શરૂ કર્યો છે. આ હેલ્પલાઈન નંબર પર કોઈ પણ વ્યક્તિ બ્લૂ વ્હેલ ગેમ સાથે જોડાયેલી કોઈપણ પ્રકારની જાણકારી આપી શકશે. આ બ્લૂ વ્હેલ લિંક ક્યાંથી મળી રહી છે અને કોણ રમી રહ્યું છે તેવી અનેક જાણકારીઓ સામેલ છે.

તે સિવાય બ્લૂ વ્હેલ ગેમની જાણકારી હેલ્પલાઈન નંબર પર આપનાર વ્યક્તિનું નામ ગુપ્ત રાખવામાં આવશે. રાજ્ય સરકારે બ્લૂ વ્હેલ ગેમને રોકવા પૂરો પ્રયત્ન કરી રહી છે. જેથી યુવા આ ગેમ ના રમે અને કોઈ દૂર્ધટનાથી બચી શકે. જણાવી દઈએ કે, થોડા સમય અગાઉ બનાસકાંઠાના એક યુવકે આ બ્લૂ વ્હેલ ગેમના અંતિમ ટાસ્ક પૂરો કરવા માટે પાણીમાં કૂદીને આત્મહત્યા કરી લીધી હતી. દુનિયાભરમાં 130થી વધુ યુવાનોએ આ બ્લૂ વ્હેલ ગેમના શિકાર બન્યા છે.