‘અમારો બળદીયો પણ બિલાડો નીકળ્યો’, હાર્દિકે ક્યા પાટીદાર ધારાસભ્ય પર કર્યો આ કટાક્ષ?

પાટીદાર અનામત આંદોલન સમિતિના સૌરાષ્ટ્રના કન્વીનર લલીતભાઇ વસોયા અને રાજકોટ જિલ્લાના કન્વીનર બ્રિજેશ પટેલે જણાવ્યું હતું કે, રાજયમાં છેલ્લા બે વર્ષથી ચાલતા પાટીદાર અનામત આંદોલનમાં પાસ દ્વારા હાર્દિક પટેલની ઉપસ્થિતિમાં ગુજરાતના દરેક છેડે પહોંચાડવાની કામગીરી શરૂ કરવામાં આવશે.

હાર્દિકે કહ્યું કે, આ સ્થિતી છે તેમાં નેતાઓનો વાંક નથી પણ આપણો વાંક છે કે આપણને નેતા ચૂંટતાં નથી આવડતું. હાર્દિકે જાહેરાત કરી હતી કે, હવે પછી ગુજરાતનાં દરેક ગામમાં જાહેર સભા કરીને પાટીદાર સમાજ અને અન્ય સમાજને અનામતના ફાયદા તેમજ સરકારની નિષ્ફળ નીતી લોકો સમક્ષ ખુલ્લી પાડવામાં આવશે.

સભામાં સંખ્યામાં પાટીદાર સમાજના લોકો ઉમટ્યા હતા. હાર્દિકે બુલેટ પર બેસીને રેલીમાં ભાગ લીધો હતે ને ઘોડા પર પણ બેઠો હતો. આ સભામાં હાર્દિક પટેલે ભાજપ સરકાર પર આકરા પ્રહાર કરતા કહ્યું, છેલ્લા 10 દિવસથી પ્રજા ટીવીમાં ભવાઇ, મુજરા અને ડાન્સ જોઇ રહી છે. જ્યાં કોઇ 5 કરોડમાં વેચાય તો કોઇ 10 કરોડમાં વેચાય છે.

આ સભામાં હાર્દિકે કોંગ્રેસના બળવાખોર ધારાસભ્ય રાઘવજી પટેલ પર આડકતરો પ્રહાર કરતાં જણાવ્યું હતું કે, નેતાઓને મત દેતાં પણ નથી આવડતું ને અમારો બળદીયો પણ બિલાડો નીકળ્યો. હાર્દિકે સવાલ કર્યો હતો કે, જે નેતાઓને મત દેતા પણ નથી આવડતું તે લોકો શું દેશ ચલાવશે?

રાજકોટ: પાટીદાર સમાજને અનામતનો લાભ આપવાની માંગણી સાથે પાસ દ્વારા ચાલી રહેલા આંદોલનના ભાગરૂપે બુધવારે સાંજે રાજકોટના લોધીકા ખાતે પાટીદાર સ્વમાન સભાનું આયોજન કરવામાં આવ્યું હતું. સભા પહેલાં હાર્દિકના 15 કિમીના રોડ શોનું આયોજન કરવામાં આવ્યું હતું. જેમાં મોટી સંખ્યામાં યુવકો ઉમટ્યા હતા.