વડોદરામાં હાર્દિક પટેલ વિરુદ્ધ લાગ્યા હોર્ડિગ્સ, આ પાટીદાર યુવકે હાર્દિક વિશે શું કહ્યું, જાણો વિગતે

ઉલ્લેખનીય છે કે વિધાનસભાની ચૂંટણી સમયે વડોદરામાં યોજાયેલી હાર્દિક પટેલની સભામાં શ્રેય પટેલ સ્ટેજ પર ચડી વિરોધ કર્યો હતો.

સમગ્ર શહેરના અલગ-અલગ વિસ્તારોમાં હોર્ડિગ્સ લગાવવા બાબતે શ્રેય પટેલે જણાવ્યું હતું કે, હાર્દિક પટેલ સમાજમાં જાતિવાદનું ઝેર ફેલાવી રહ્યો છે. જેને રોકવું ખૂબ જ જરૂરી છે.

શ્રેય પટેલે આ પોસ્ટરોમાં પાસ સમિતિની આતંકી સંગઠન આઈએસઆઈએસ સાથે સરખામણી પણ કરી છે.

વડોદરા: પાટીદાર નેતા હાર્દિક પટેલના વિરોધમાં વડોદરામાં હોર્ડિંગ્સ લગાવતા સમગ્ર પંથકમાં ચકચાર મચી જવા પામી છે. શહેરના અલગ-અલગ વિસ્તારમાં પાટીદાર યુવાન શ્રેય પટેલે લગાવેલા હોર્ડિંગ્સમાં હાર્દિક જાતિવાદનું ઝેર ફેલાવતો હોવા સાથે પાસની આતંકી સંગઠન આઈએસ સાથે સરખામણી કરવામાં આવી છે.

આ અંગે વડોદરા ચકલા સર્કલ, ડેરીડેન સર્કલ અને વુડા સર્કલ ખાતે હાર્દિક પટેલ વિરુદ્ધ હોર્ડિગ્સ લગાવ્યા છે. જેમાં તેને પાટીદાર યુવાનોની મોત માટે પાસ કન્વીનરને જવાબદાર ગણાવ્યો છે.