ભુજ: વિસ્ફોટકો સાથે એક પાકિસ્તાની ગુજરાતમાં ઘૂસ્યો, સુરક્ષા વ્યવસ્થા વધારાઈ

પાકિસ્તાની સંદિગ્ધ SUV કારમાં ચારથી પાંચ જેટલા સંદિગ્ધ બોક્સ લઈને ગાંધીધામ તરફ રવાના થયો હતો. આ ઈનપુટ બાદ કચ્છમાં નાકાબંધી શરૂ કરાઈ હતી. હાલમાં આ ઈનપુટ બાદ સુરક્ષા એજંસીઓએ તકેદારી વધારી દીધી છે. પરંતુ આ પ્રકારના કોઇ સંદિગ્ધ ઇસમનું પગેરું મળી શક્યું ન હતું.

દિલ્લી ગુપ્તચર એજંસીના ઈનપુટ ગૃહ વિભાગને અપાયા હતા. જે બાદ તકેદારી વધારાઈ હતી. ઈનપુટ હતા કે, સંદિગ્ધ પાકિસ્તાની જખૌથી ગાંધીધામ તરફ રવાના થયો હતો.

ભુજ: આઈબીએ જણાવ્યા અનુસાર કચ્છના જખૌથી એક પાકિસ્તાની નાગરિક ગુજરાતમાં ઘુસ્યો હોવાના ઈનપુટ બાદ કચ્છમાં અલર્ટ યથાવત છે.

ગઈકાલે ઈનપુટ આવ્યા હતા કે, એક પાકિસ્તાની નાગરિક ચારથી પાંચ શંકાસ્પદ બોક્સ સાથે જખૌથી ઘુસ્યો છે. બાતમી મળતાં જ તમામ સુરક્ષા એજન્સીઓ સતર્ક થઇ ગઇ હતી.