તળાજાઃ શિક્ષકે આઠમાં ધોરણની વિદ્યાર્થિની સાથે બાંધ્યા પ્રેમસંબંધ, ભાંડો ફૂટી જતાં શું કર્યું? જાણો

વિફરેલું ટોળું સ્કૂલે દોડી આવતાં શિક્ષકે લેખિતમાં માફી માગી હતી અને તેણે પોતે કરેલી ભૂલ કબૂલી હતી. શિક્ષકના લેખિત કબુલાતનામાના પગલે સરપંચ રાજૂભાઇ ભેમર દ્વારા તાલુકા પ્રાથમિક શિક્ષણ અધિકારીને ગ્રામ પંચાયતના લેટરપેડ પર લેખિતમાં સસ્પેન્ડ કરવાની ગ્રામ જનોની ઉગ્રમાંગ જણાવી હતી. બનાવના પગલે ભાજપ તળાજાના ધારાસભ્ય શીવાભાઇ ગોહિલ પણ સ્કુલખાતે દોડી ગયા હતાં.

તળાજાઃ તળાજાના બોરડા ગામની શાળામાં શિક્ષકને વિદ્યાર્થિની સાથે પ્રેમસંબંધ બાંધવા ભારે પડી ગયા હતા. શિક્ષકના પ્રેમપ્રકરણનો ભાંડો ફૂટી જતાં ગ્રામજનો સ્કૂલે દીડો આવ્યા હતા. લોકોનો મિજાજ પારખી જતાં લંપટ શિક્ષક માફી માગવા લાગ્યો હતો. તેણે બેહાથ જોડીને લોકોની માફી માગી હતી અને ફરીથી ક્યારેય આવું નહીં કરે તેની ખાતરી આપી હતી.

મળતી માહિતી પ્રમાણે મૂળ સાબરકાંઠાના વિજયનગરનો શિક્ષક નટવર સુરજી ડામોર બોરડા ગામની સ્કૂલમાં ધોરણ-8માં અભ્યાસ કરાવે છે. દરમિયાન તેણે ધોરણ-8માં ભણતી એક વિદ્યાર્થિનીને પ્રપોઝ કર્યું હતું. આ પછી તે તેની સાથે મોબાઇલ પર વાતો પણ કરતો હતો. એટલું જ નહીં, કોમ્પ્યુટર રૂમમાં મજાક મશ્કરી કરતો અને પરીક્ષાના પેપરમાં મદદપણ કરતો હતો.