ગુજરાત ભાજપના યુવા નેતાનો હસ્તમૈથુન કરતો વીડિયો વાયરલ, જાણો ભાજપે શું કર્યું?

ગંભીરસિંહ ગોહીલ થોડા વખત પહેલાં જ કોંગ્રેસમાંથી ભાજપમાં જોડાયા છે અને આવતાં વેંત તેમણે આ હરકત કરતાં પ્રદેશ ભાજપના નેતા નારાજ થઈ ગયા હતા. ભાજપના રાષ્ટ્રીય પ્રમુખ અમિત શાહનું આ વીડિયો અંગે ધ્યાન દોરવામાં આવ્યું હતું ને તેમની સૂચનાના આધારે પ્રદેશ ભાજપ દ્વારા આ નિર્ણય લેવાયો છે એવું મનાય છે.

આ વીડિયો ક્લિપ ઉના સરકારી હોસ્પિટલના ક્વાર્ટરના બાખરૂમમાં ઉતારવામાં આવ્યો છે, તેવું ગંભીરસિંહ ગોહીલે જણાવ્યું છે. તેમણે લૂલો બચાવ કરતાં કહ્યું કે, કોંગ્રેસના અરજણ મજેઠીયાએ આ વીડિયો ઉતાર્યો હતો અને તે 10 મહિના જૂનો છે. અરજણ મજેઠીયાએ પોતે આવો કોઈ પણ વીડિયો ઉતાર્યો હોવાનો ઈનકાર કરી દીધો છે.

ભાજપના એક નેતાએ જણાવ્યું કે, ભાજપ ગંભીરસિંહ ગોહિલનો બચાવ કરી શકે તેમ નથી. શરમથી માથું નમી જાય એવો હસ્તમૈથુન કરતો વીડિયો મોબાઈલમાં જાતે જ ઉતાર્યો હોય તેમ દેખાય . સાથે આ વીડિયોમાં ફિલ્મના ગીતો પણ મુકવામાં આવ્યા છે તે જોતાં કોંગ્રેસ પર દોષનો ટોપલો ઢોળી શકાય તેમ નથી.

આ ઉપરાંત ગંભીરસિંહ ગોહિલના નામના ભાજપે બેનર લગાવેલા હતા તે પણ ઉતારી લેવા પડ્યા છે. આ નેતાએ પોતાનો ફોન પણ બંધ કરી દીધો હતો અને વોટ્સએપ પર ચાર પાનાનો પત્ર લખીને બધો દોષનો ટોપલો કોંગ્રેસ પર ઢોળી દીધો હતો. ભાજપના નેતાઓ કહે છે કે, આ શરમજનક વીડિયો છે તે જોતાં કોઈને દોષ ના દઈ શકાય.

ઉના તાલુકા યુવા ભાજપ પ્રમુખ ગંભીરસિંહ ગોહિલનો હસ્તમૌથુન કરતો અશ્લીલ વીડિયો વોટ્સએપ પર વાઈરલ થતાં ભારે ચકચાર મચી હતી અને ભાજપના માથે માછલાં ધોવાવા માંડ્યાં હતાં. આ મામલો પ્રદેશ સંગઠનમાં પહોંચતાં તેમને હોદ્દા પરથી દૂર કરી દેવાયા છે. તેમને ભાજપના સભ્ય પદેથી દૂર કરી દેવામાં આવ્યા છે.

અમદાવાદઃ ભાજપના યુવા નેતા ગંભીરસિંહ ગોહિલનો હસ્તમૈથુન કરતા હોય તેવો અશ્લીલ વીડિયો વાયરલ થઈ જતાં ભાજપ ભારે શરમજનક સ્થિતીમાં મૂકાયો છે. ભાજપે ગંભીરસિંહ ગોહિલને પક્ષમાંથી દૂર કરી દીધા છે અને એ રીતે પોતાના કાર્યકરોને એક મેસેજ આપવા પ્રયત્ન કર્યો છે કે, આવી હરકતો ચલાવી નહીં લેવાય.