Covid 19 increase risk of heart disease: ચીનના વુહાનથી નીકળેલો કોરોના વાયરસ (coronavirus) ભલે હવે લોકોને વધુ અસર નથી કરતો અને તેના કેસોમાં પણ ઘટાડો આવ્યો છે, પરંતુ કોવિડ 19ની લાંબા ગાળાની અસરો (Covid long term effect)થી આજે પણ લોકો પરેશાન છે. તેના કારણે શ્વાસ લેવામાં તકલીફ, હૃદયની તંદુરસ્તી અને રોગપ્રતિકારક શક્તિમાં ઘટાડો આવ્યો છે.
તાજેતરમાં કોવિડ 19 પર થયેલા એક અહેવાલમાં ચોંકાવનારો ખુલાસો થયો છે, જેમાં જણાવવામાં આવ્યું કે કોવિડ 19ને કારણે હૃદય સંબંધિત (Heart problems) સમસ્યાઓના જોખમો વધુ વધ્યા છે. આવો જાણીએ આ સંશોધન વિશે કે કેવી રીતે કોવિડ 19 તમારા હૃદયની તંદુરસ્તીને પ્રભાવિત કરી શકે છે અને તમે કેવી રીતે તેનાથી બચાવ કરી શકો છો.
શું કહે છે કોવિડ 19 પર કરવામાં આવેલું સંશોધન
આર્ટેરિયોસ્ક્લેરોસિસ, થ્રોમ્બોસિસ અને વેસ્કુલર બાયોલોજી જર્નલમાં પ્રકાશિત થયેલા અહેવાલ અનુસાર, કોવિડ 19ના 1000 દિવસની અંદર હૃદય સંબંધિત ઘટનાઓનું જોખમ વધ્યું છે. એટલું જ નહીં, ધ નેશનલ હાર્ટ, લંગ્સ અને બ્લડ ઇન્સ્ટિટ્યૂટના ડૉક્ટરનું માનવું છે કે ખરેખર આ સ્થિતિ ચિંતાજનક છે અને ઘણા લોકોને હૃદયનો હુમલો આવવાનું જોખમ પહેલાં કરતાં વધુ થયું છે.
કોરોના મહામારી પછી હાર્ટ એટેકથી મૃત્યુદરમાં પણ વધારો થયો છે. તેમણે જણાવ્યું છે કે કોવિડ 19 પછી કોરોનરી આર્ટરી ડિસીઝનું જોખમ પહેલાં કરતાં વધ્યું છે અને તેનાથી લોકોને હાર્ટ એટેક, સ્ટ્રોક અને હાર્ટ ફેલ્યોરના જોખમનો સામનો પણ કરવો પડ્યો છે.
કેવી રીતે કરવો હાર્ટ એટેકથી બચાવ
કોવિડ 19ની લાંબા ગાળાની અસરો ખરેખર ચિંતાજનક છે, આવા સમયે પોતાને હૃદય રોગથી બચાવવા માટે તમારે એક સ્વસ્થ જીવનશૈલી અપનાવવી જોઈએ. હાઈ ઈન્ટેન્સિટી વર્કઆઉટને બદલે લો ઈન્ટેન્સિટી વર્કઆઉટ જેવા કે રનિંગ, જોગિંગ, સ્વિમિંગ, યોગ, મેડિટેશનનો સહારો લેવો જોઈએ. આ ઉપરાંત એક સંતુલિત આહાર સૌથી વધુ જરૂરી છે, જેમાં લીન પ્રોટીન, ફાઈબરથી ભરપૂર વસ્તુઓ, તાજા ફળ શાકભાજી, લો ફેટ દૂધ અને દૂધની બનાવટો સામેલ કરો.
ડિસ્ક્લેમર: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. તમે કોઈપણ સૂચનને અમલમાં મૂકતા પહેલા સંબંધિત નિષ્ણાતની સલાહ જરૂર લો.
આ પણ વાંચોઃ