Health Tips: હેડકી એક સામાન્ય સમસ્યા છે. જેને તમે ઇચ્છો તો પણ નજરઅંદાજ કરી શકતા નથી. ઘણીવાર તે થોડી મિનિટો માટે આવે છે અને પાણી પીવાથી સમસ્યા દૂર થઈ જાય છે, પરંતુ ક્યારેક તે લાંબા સમય સુધી પરેશાન કરી શકે છે. નિષ્ણાતોએ જણાવ્યું છે કે હેડકીની સમસ્યા આપણા શરીરમાં હાજર પાંસળી અને ડાયાફ્રેમ વચ્ચે થાય છે. આમાં સ્થિત આંતરકોસ્ટલ સ્નાયુઓનું અચાનક સંકોચન થાય છે જે ખેંચાણનું સ્વરૂપ લે છે. આ ખેંચાણ અચાનક ગળામાં અથડાવે છે અને હેડકી આવવા લાગે છે. શું તમે વારંવાર લાંબા સમયથી હેડકી આવવાથી પરેશાન છો? તો કેટલાક ઘરગથ્થુ ઉપચારથી આપણે હેડકી દૂર કરી શકીએ છીએ. આ પદ્ધતિઓ હેડકીમાં તાત્કાલિક રાહત આપે છે. તો જાણો આ ઘરેલું ઉપચાર…
પાણી પીવું
હેડકીની સ્થિતિમાં પાણી પીવાથી તરત રાહત મળે છે, પરંતુ પાણી પીવાની સાચી રીત જાણવી જરૂરી છે. હેડકીના કિસ્સામાં ધીમે ધીમે પાણી પીવું જોઈએ. આમાં ઠંડુ પાણી પીવું ફાયદાકારક રહે છે.
પેપર બેગમાં શ્વાસ લો
આપના મોં પર પેપર બેગ મૂકો. તમારા નાકને પણ ઢાંકો. હવે શ્વાસ અંદર અને બહાર લેતી વખતે ધીમે ધીમે પેપર બેગને ફુલાવો. આમ કરવાથી હેડકીથી છુટકારો મેળવી શકાય છે
ધ્યાન ભટકાવવું
હેડકી દૂર કરવા માટે, ધ્યાન ભટકાવુ જોઈએ. બેધ્યાનપણું હેડકીથી છુટકારો મેળવવામાં મદદ કરે છે. જો કોઈ વ્યક્તિને વધુ હેડકી આવી રહી છે. તો તમે તેને કોઈ વાતોમાં ઉલઝાવી શકો છો. તેને જોતા જ હેડકી બંધ થઈ જશે.
લીંબુ ખાવું
કેટલાક લોકોને પાણી પીધા પછી પણ હેડકી આવે છે. આવી સ્થિતિમાં લીંબુ ખાવાથી તાત્કાલિક રાહત મળી શકે છે. લીંબુ ચાવવાથી ફાયદો થાય છે.
શ્વાસ રોકવો
હેડકીના કિસ્સામાં શ્વાસ રોકવાથી રાહત મળે છે. ડાયફ્રોમમાં તણાવને કારણે હેડકી આવે છે, શ્વાસ રોકવાથી ડાયફ્રોમને આરામ મળે છે.
આઈસ બેગનો ઉપયોગ
હેડકીમાં આઇસ બેગને ગળે લગાવવાથી આરામ મળે છે. જો ઘણી બધી હેડકી આવતી હોય તો બરફની થેલી ગળામાં લપેટીને તેનો શેક કરવો જોઈએ.
એક ચમચી ખાંડ ખાઓ
આજ પછી આ તમારી મનપસંદ ટ્રીક બની જશે. હા, જો તમને હેડકી આવતી હોય તો અડધી ચમચી ખાંડ જીભ પર રાખો.. ધીરે ધીરે તે ગળી જશે અને હેડકી પણ બંધ થઇ જશે.