White Spots on Teeth: સારા સ્મિત માટે જરુરી છે તમારા દાંત પણ પરફેક્ટ હોવા જરૂરી છે. પીળા દાંત અથવા દાંતમાં સફેદ ડાઘ, આ પ્રકારની સમસ્યા તમારા દાંત અને સ્માઈલને બગાડી શકે છે. દાંત પરના સફેદ ડાઘથી કેવી રીતે છુટકારો મેળવવો તે સમજવા માટે સૌથી પહેલા એ સમજવું જોઈએ કે દાંત પર સફેદ ડાઘ શાના કારણે થાય છે. ચાલો દાંત પર સફેદ ડાઘના કેટલાક સૌથી સામાન્ય કારણો જોઈએ. કેટલીક આદતોના કારણે આપણા દાંતમાં આ પ્રકારની સમસ્યા થવા લાગે છે.
દાંત પરના સફેદ ડાઘને હળવાશથી ન લો
આપણે બધા ચમકતા સફેદ દાંતની ઈચ્છા રાખીએ છીએ, પરંતુ તમારા મોતી જેવા સફેદ દાંત પર સફેદ ડાઘને એક કોસ્મેટિક સમસ્યા માનવામાં આવે છે. આમ આ સફેદ ડાઘથી છુટકારો મેળવવો જરૂરી છે. મૂળ કારણ પર વાત કરીએ તો તમારા દાંત પરના આ અસાધારણ ચમકતા ડાઘ દાંતના સડાને સંકેત આપી શકે છે અથવા ન પણ. આ લેખમાં અમે તમને કેટલાક એવા કારણો જણાવીશું જેના કારણે દાંતમાં સફેદ ડાઘની સમસ્યા થઈ શકે છે.
આ સમસ્યા આ કારણોસર થઈ શકે છે
શુષ્ક મોં- જ્યારે તમારું મોં શુષ્ક હોય છે, ત્યારે તમારા મોંમાં pH ને સંતુલિત રાખવા માટે પૂરતી લાળ હોતી નથી. જ્યારે pH સ્તર ખોટું હોય છે, ત્યારે જીવાણુઓ વધે છે અને તમારા દાંત પર હુમલો કરવાનું શરૂ કરે છે.
આના કારણે સફેદ ડાઘ આવી શકે છે: આ વસ્તુઓનું સેવન કરવું - ખોરાકમાં વધુ પડતું ગળ્યું ખાવું, કેક અને લીંબુ અને વિનેગરથી બનેલા ખોરાક જેવા ખોરાકનું વધુ પડતું સેવન કરવાથી સફેદ ડાઘને વિકાસવામાં ગતિ મળે છે. એટલા માટે તેમને ઓછી માત્રામાં ખાવાનો પ્રયાસ કરો.
ઓછી મુખની સ્વચ્છતા- જો તમે તમારા મોંને સાફ કરવા માટે યોગ્ય કાળજી ન લો, તો તમારા દાંત પર પ્લાક વિકસે છે. પ્લાક એ સૂક્ષ્મજીવાણુઓ અને મેલની એક ચીકણી, રંગીન પરત છે જે કાર્બોહાઇડ્રેટ્સનું સેવન કર્યા પછી તરત જ દાંત પર જમા થાય છે.
ફ્લોરોસિસ અથવા વધુ પડતું ફ્લોરાઈડ - જ્યારે ફ્લોરાઈડ એ દાંતને સ્થિર રાખવા માટે એક મહત્વપૂર્ણ ખનીજ છે, ત્યારે વધુ પડતું ફ્લોરાઈડ દાંત પર સફેદ ડાઘ અને પોલાણની સમસ્યાને જન્મ આપી શકે છે.
તેનાથી સરળતાથી કેવી રીતે છુટકારો મેળવવો તે અહીં જાણો
તમે દાંત સાફ કરવા માટે સોડિયમ ફ્લોરાઈડ માઉથ રિન્સનો ઉપયોગ કરી શકો છો. આનાથી પણ ઘણો ફાયદો થઈ શકે છે. તમારા દાંત માટે નિયમિતપણે ફ્લોસિંગ કરો. આનાથી પણ સફેદ ડાઘથી બચી શકાય છે. ફ્લોરોસિસથી પીડિત લોકોના દાંત થોડા ફિકા દેખાઈ શકે છે. ઉદાહરણ તરીકે - દાંત પર સફેદ નિશાન દેખાઈ શકે છે જે ફક્ત દંત ચિકિત્સકો જ શોધી શકે છે. વધુ ગંભીર કિસ્સાઓમાં પીળાથી ઘેરા બદામી ડાઘ દેખાઈ શકે છે.
Disclaimer: આ લેખમાં દર્શાવેલ વિધિઓ, પદ્ધતિઓ અને દાવાઓને માત્ર સૂચનો તરીકે લો, એબીપી ન્યૂઝ તેમની પુષ્ટિ કરતું નથી. આવી કોઈપણ સારવાર/દવા/આહાર અને સૂચનનો અમલ કરતા પહેલા, કૃપા કરીને ડૉક્ટર અથવા સંબંધિત નિષ્ણાતની સલાહ લો.