National Black HIV/AIDS Awarness Day: WHO મુજબ AIDS (Acquired Immune Deficiency Syndrome) એ હ્યુમન ઇમ્યુનો ડેફિસિયન્સી વાયરસ (HIV- Human Immuno Deficiency Virus) ના ચેપને કારણે થતો રોગ છે. HIV વાયરસ શરીરમાં હાજર CD4 શ્વેત રક્તકણોનો નાશ કરે છે. જ્યારે આ શ્વેત રક્તકણો 200 પ્રતિ ઘન મિલિમીટર અથવા 500-1600 પ્રતિ ઘન મિલિમીટરથી નીચે પહોંચે છે ત્યારે એઇડ્સ થાય છે. આ વાયરસ ચેપગ્રસ્ત રક્ત, વીર્ય અને યોનિમાર્ગના પ્રવાહીના સંપર્ક દ્વારા ફેલાય છે. આ રોગ વિશે ઘણી ગેરસમજો ફેલાયેલી છે. એટલે જ 1 ડિસેમ્બરને 'વિશ્વ એઇડ્સ દિવસ' તરીકે ઉજવવામાં આવે છે જેથી લોકો એઇડ્સ વિશે જાગૃત થાય અને આ રોગથી મૃત્યુ પામેલા લોકોને યાદ કરે.


એઇડ્સની જાગૃતિ ખૂબ જ જરૂરી છે


1988થી લોકોમાં એઇડ્સ જાગૃતિ ફેલાવવાના ઉદ્દેશ્ય સાથે આ દિવસની ઉજવણી કરવામાં આવે છે. અનેક જાગૃતિ અભિયાનોની મદદથી આખું વિશ્વ આ ભયંકર રોગ વિશે જાણી શક્યું. આજકાલ સ્ત્રી અને પુરૂષ બંને આ રોગનો શિકાર બની રહ્યા છે. પરંતુ શું કોઈને ખબર છે કે આ રોગ ક્યાંથી આવ્યો?


ચિમ્પાન્ઝીના લોહી દ્વારા ફેલાઇ આ બીમારી


એવું માનવામાં આવે છે કે 1920ની આસપાસ કોંગોમાં એક ચિમ્પાન્ઝી દ્વારા એચ.આય.વી એઇડ્સ પ્રથમ વખત થયો હતો. ઘાયલ ચિમ્પાન્ઝીએ કેમેરૂનના જંગલોમાં શિકારીને ઉઝરડા કર્યા હતા તેવું કહેવાય છે. જેના કારણે શિકારીના શરીર પર પણ ઊંડા ઘા થયા હતા. આ દરમિયાન ઈજાગ્રસ્ત ચિમ્પાન્ઝીનું લોહી શિકારીના શરીરમાં ભળી જતાં એચઆઈવીનો ચેપ ફેલાયો હતો.


ગે પુરુષોમાં જોવા મળ્યો હતો આ વાયરસ


અમેરિકાના લોસ એન્જલસમાં પાંચ પુરુષોમાં આ વાયરસ જોવા મળ્યો હતો. અમેરિકાના સેન્ટર ફોર ડિસીઝ કંટ્રોલ એન્ડ પ્રિવેન્શનનો રિપોર્ટ કંઈક બીજું જ કહે છે. આ મુજબ આ વાયરસ સમલૈંગિક યુવકોના કારણે ફેલાયો છે. 1981માં પ્રસિદ્ધ થયેલા રિપોર્ટ અનુસાર લગભગ 38 વર્ષ પહેલા આ વાયરસ અમેરિકાના લોસ એન્જલસના પાંચ પુરુષોમાં જોવા મળ્યો હતો. પાંચેય ગે હતા.


એઇડ્સ અને 'પેશન્ટ ઝીરો'


Who was the first patient of AIDS: પહેલો કેસ 'ગેટેન દુગાસ' નામની વ્યક્તિમાં જોવા મળ્યો હતો. ગેટન વ્યવસાયે કેનેડિયન ફ્લાઇટ એટેન્ડન્ટ હતા. એવું માનવામાં આવે છે કે તેણે યુ.એસ.માં ઘણા લોકોને સંક્રમિત કરવા માટે જાણીજોઈને સંબંધ બનાવ્યા હતા. આ કારણથી તેને 'પેશન્ટ ઝીરો' નામ આપવામાં આવ્યું હતું. જ્યારે યુ.એસ.માં આ રોગની પ્રથમવાર ખબર પડી ત્યા સુધી પ્રથમ આઠ વર્ષ સુધી 92 ટકા એચઆઇવી દર્દીઓ પુરુષો હતા. ધીમે ધીમે મહિલા દર્દીઓની સંખ્યા વધતી ગઈ.