Health Tips:હાઈ ઈન્ટેન્સિટી ઈન્ટરવલ વર્કઆઉટ ચરબી અને કેલરી બર્ન કરવામાં ઘણી મદદ કરે છે. પરંતુ કેટલાક લોકો માટે આ કસરત સમસ્યા બની શકે છે.જાણો કોણે આ હાઈ ઈન્ટેન્સિટી વર્કઆઉટ્સ ન કરવા જોઈએ.
આજકાલ લોકો વજન ઘટાડવા માટે ઘણા બધા વર્કઆઉટ કરે છે. જે લોકોએ ઝડપથી વજન ઘટાડવું હોય છે, તેઓ હાઈ ઈન્ટેન્સિટી વર્કઆઉટને મહત્વ આપે છે. વાસ્તવમાં, 9મિનિટનું હાઇ ઇન્ટેસિટી વર્કઆઉટ જિમમાં થતાં નોર્મલ 45 મિનિટની વર્કઆઉટ સમાન છે. આ વર્કઆઉટથી 1 મહિનામાં 300 થી 400 કેલરી ફેટ બર્ન કરી શકાય છે. આ સિવાય સ્વાસ્થ્યને અનેક ફાયદાઓ મળે છે. પરંતુ આ ઉચ્ચ-તીવ્રતા વર્કઆઉટ દરેક માટે નથી. જે લોકો સ્વસ્થ છે તેઓને આ કસરતથી કોઈ સમસ્યા નહીં થાય. પરંતુ જે લોકોને સ્વાસ્થ્ય સંબંધિત કેટલીક સમસ્યાઓ છે તેઓને આ વર્કઆઉટથી ઘણી મુશ્કેલીનો સામનો કરવો પડી શકે છે. આવો જાણીએ ક્યા લોકોએ હાઈ ઈન્ટેન્સિટી વર્કઆઉટ ન કરવું જોઈએ.
આ લોકોએ ભૂલથી પણ ન કરવી હાઇ ઇન્ટેસિટિ એક્સરસાઇઝ
જે લોકોનું તાજેતરમાં ઘૂંટણનું ટ્રાન્સપ્લાન્ટ થયું છે અથવા જેમને પીઠ અને ઘૂંટણમાં ઈજા થઈ છે. તેઓએ આ કસરત ટાળવી જોઈએ, નહીં તો પીડા વધી શકે છે. ઉચ્ચ તીવ્રતાના વર્કઆઉટ્સ સાંધા અને સ્નાયુઓ પર વધુ તાણ લાવે છે. આવી વ્યક્તિએ એવું વર્કઆઉટ પસંદ કરવું જોઈએ, જે ઇજાગ્રસ્ત એરિયાને અસર ન કરે.
સગર્ભા સ્ત્રીઓ માટે વ્યાયામ જરૂરી છે. તેનાથી માતા અને બાળક બંનેને ફાયદો થઈ શકે છે. પરંતુ હાઈ ઈન્ટેન્સિટી ઈન્ટરવલ વર્કઆઉટ ન કરવું જોઈએ. સગર્ભાવસ્થામાં કૂદકો મારવો અને આંચકા સાથે કસરત કરવાથી માતા અને બાળક બંનેને નુકસાન થાય છે. સગર્ભા સ્ત્રીઓએ મધ્યમ તીવ્રતાની એરોબિક કસરત કરવી જોઈએ.
હૃદયના દર્દીઓએ પણ ઉચ્ચ-તીવ્રતાવાળા વર્કઆઉટને ટાળવું જોઈએ. તે હૃદય પર વધુ તાણ લાવે છે, તેનાથી તમારી સ્થિતિ બગડી શકે છે. જો તમે હૃદય રોગથી પીડાતા હોવ તો તમારે વોકિંગ કરવું ઉત્તમ છે, સાયકલ ચલાવવી જોઈએ, તરવું જોઈએ. તેનાથી તમારું સ્વાસ્થ્ય પણ સારું રહેશે અને હૃદય પર વધારે દબાણ નહીં આવે. તે જ સમયે, હૃદયના દર્દીઓએ કોઈપણ કસરત કરતા પહેલા નિષ્ણાતની સલાહ લેવી જ જોઇએ.
જે લોકો બીમાર છે, જેમની રોગપ્રતિકારક શક્તિ નબળી છે, તેઓએ આવી કસરતો ટાળવી જોઈએ. તેનાથી તમે થાક અનુભવી શકો છો. તમને ચક્કર પણ આવી શકે છે અને તમે પહેલા કરતા વધુ બીમાર પડી શકો છો.