Summer Tips: દેશભરમાં અત્યાર કાળઝાળ ગરમી પડી રહી છે, અંદાજિત તાપમાનનો પારો 40થી વધુનો રહે છે. આવા આકરા તાપ અને તપતા ઉનાળામાં મોટાભાગના લોકોના હાથ-પગ અને મોઢું કાળું થવા લાગે છે, જો તમે પણ આવી કાળાશ - ટેનિંગથી પરેશાન છો તો આ આર્ટિકલ તમારા માટે કામનો છે. આજે અમે તમને કેટલીક ઘરગથ્થુ વસ્તુઓ વિશે જણાવીશું, જેનો ઉપયોગ કરીને તમે તમારા કાળા હાથ અને પગ અને મોઢાને ગોરુ બનાવી શકો છો. ચાલો જાણીએ તે ઘરગથ્થુ વસ્તુઓ વિશે.
ઉનાળાથી પડેલી કાળાશથી છૂટકારો
ઉનાળામાં હાથ-પગ અને મોઢાની કાળા થવાની સમસ્યા સામાન્ય છે. તેનાથી બચવા માટે તમારે બહાર તડકામાં જતા પહેલા સનસ્ક્રીન લગાવવી જોઈએ. જો તમે સતત તડકામાં હોવ તો દર 2 કલાકે સનસ્ક્રીનનો ઉપયોગ કરો. આ તમારી ત્વચામાંથી કાળાશ દૂર કરશે અને તમારી ત્વચાને ચમકદાર બનાવશે. દિવસમાં ઓછામાં ઓછા બેથી ત્રણ વખત તમારા ચહેરા અને હાથ-પગને ઠંડા પાણીથી ધોઈ લો. તેનાથી શરીરમાંથી ધૂળ, માટી અને ગંદકી નીકળી જશે.
આ ઘરગથ્થુ વસ્તુઓનું કરો ઉપયોગ
આ સિવાય એલોવેરા જેલ, દહીં, લીંબુનો રસ, ચણાનો લોટ અને હળદર જેવા કુદરતી ઘટકોનો ઉપયોગ કરો. આ વસ્તુઓને મિક્સ કરીને તમારા ચહેરા પર 15 મિનિટ સુધી લગાવો, પછી ચહેરો ધોઈ લો. આ સિવાય તમે તેનો ઉપયોગ ફેસ પેક અથવા સ્ક્રબ તરીકે કરી શકો છો. કેટલાક લોકોને આ વસ્તુઓનો ઉપયોગ કરવાથી એલર્જી થઈ શકે છે. જો તમને આમાં કોઈ સમસ્યા હોય તો ડૉક્ટરની સલાહ લો.
આ વસ્તુઓનું રાખો ધ્યાન
તડકામાં બહાર જતી વખતે ડાર્ક કલરના કપડાં ના પહેરવાનો પ્રયાસ કરો. તેના બદલે હળવા રંગના અને લૂઝ-ફીટીંગ સુતરાઉ કપડાં પહેરો. આ ઉપરાંત, તમે તમારા ચહેરા અને ગરદનને સૂર્યથી બચાવવા માટે ટોપી અને સનગ્લાસ પહેરી શકો છો. ધ્યાનમાં રાખો કે તમારે આખા દિવસમાં 7 થી 8 ગ્લાસ પાણી પીવું પડશે, તેનાથી ત્વચા હાઇડ્રેટ રહેશે. ધૂમ્રપાન અને આલ્કોહોલ ટાળો, કારણ કે તે ટેનિંગને વધારે છે. જો આટલું બધું કર્યા પછી પણ તમારા હાથ-પગમાંથી કાળાશ દૂર નથી થતી તો તમારે ડૉક્ટરની સલાહ લેવી જ જોઈએ.