અમદાવાદઃ શહેરના મેઘાણીનગરમાં યુવતીના ઘરે જઈને છેડતી કરી હોવાની ઘટના સામે આવી છે. પીડિતાની માતાએ વીડિયો ઉતારતા ટપોરી નગ્ન થઈ ગયો હતો. વિકૃત ટપોરી ઘરની બહાર કપડાં કાઢી નગ્ન થતાં ઘટનાનો વીડિયો ઉત્તારીને પોલીસ ફરિયાદ નોંધાવી છે. યુવતી ઘરની બહાર નીકળે ત્યારથી ઘરે પરત આવે ત્યાં સુધી પીછો કરતા લુખ્ખા સામે મેઘાણીનગરમાં ફરિયાદ થઈ છે.
આ અંગેની વિગતો એવી છે કે, યુવતી ઘરેથી બહાર નીકળે ત્યારે આ ટપોરી તેની સાથે ગંદી ભાષામાં વાતો કરતો હતો. તેમજ તેની છેડતી કરતો હતો. જોકે, પરિવારે આબરુ જવાની બીકેમ ફરિયાદ કરવાનું ટાળ્યું હતું અને યુવકની હરકતો સહન કરતા હતા. યુવતીએ પણ યુવકને પોતાનો પીછો ન કરવા માટે ટપાર્યો હતો, પણ ટપોરી બોબી નડિયા કોઈ વાતે સમજવા તૈયાર ન હતો.
દરમિયાન ગત 2 માર્ચે યુવતી અને તેની માતા ઘરે હતા ત્યારે બોબી ત્યાં આવ્યો હતો અને યુવતીને બોલાવીને ગાળો બોલવા લાગ્યો હતો. જેથી ડરીને યુવતી અને તેની માતા ઘરમાં ઘૂસી ગયાં હતાં. જેથી યુવક વધુ ઉશ્કેરાયો હતો ઘર પર પથ્થરો મારવા લાગ્યો હતો. દરવાજા પર દંડા પણ માર્યા હતા. આ સમયે યુવતીની માતા વીડિયો બનાવતા હતા, તે જોઇ યુવક કપડાં ઉતારવા લાગ્યો હતો. યુવતીની માતા સામે અશ્લીલ હરકતો કરવા લાગ્યો હતો. આમ, યુવકની હરકતોથી કંટાળી અંતે યુવતીએ યુવક સામે મેઘાણીનગર પોલીસ સ્ટેશનમાં ફરિયાદ નોંધાવી છે. પોલીસે આરોપીને પકડવા કાર્યવાહી શરૂ કરી છે.
Valsad : યુવક પરિવાર પર હુમલો કરીને સગીરાને ભગાડી ગયો, આખી રાત 100થી વધુ પોલીસે જંગલ ખુંદ્યું, સગીરા મળી પણ.....
વલસાડઃ ગઈ કાલે વલસાડના પારિયામાં એકતરફી પ્રેમીએ પરિવાર પર જીવલેણ હુમલો કરી સગીરાનું અપહરણ કર્યું હતું અપહ્યત સગીરાને મુક્ત કરાવવામાં પોલીસને સફળતા મળી છે. પરંતુ આરોપી હજુ પોલીસ પકડથી દુર છે. 10 થી વધુ પોલીસ ના કાફલાએ રાતભર જંગલમાં સર્ચ ઓપરેશન હાથ ધર્યું હતું. ગઈ કાલે સુનિલ પટેલ નામના યુવકે સગીરાના ઘરમાં ઘુસી પરિવારજનો પર જીવલેણ હુમલો કર્યો હતો.
તીક્ષ્ણ હથિયારથી હુમલામાં સગીરાની માતા અને કાકાને ગંભીર ઈજા થઈ હતી અને સગીરાનું અપહરણ કર્યું હતું. ફરાર આરોપીને ઝડપવા પોલીસે સર્ચ ઓપરેશન શરુ કર્યું છે. સગીરાના નિવેદન અને મેડિકલ તપાસ સહિતની કાર્યવાહી હાથ ધરાઇ છે.