Red Alert Ahmedabad Heat: અમદાવાદમાં આજથી પાંચ દિવસ ગરમીને લઈને રેડ એલર્ટ જાહેર કરવામાં આવ્યું છે. અમદાવાદનું મહત્તમતાપમાન 45 ડિગ્રી સેલ્સિયલ સુધી પહોંચવાની આગાહી કરવામાં આવી છે. રેડ એલર્ટને પગલે અમદાવાદ મહાનગર પાલિકાએ પાંચ દિવસ સુધી તમામ કન્સ્ટ્રક્શન સાઈટ ઉપર બપોરે બારથી ચાર વાગ્યા સુધી કામ બંધ રાખવાની તાકીદ કરી છે.
દરેક વોર્ડમાં આવેલા સ્લમ વિસ્તાર, કડિયાનાકા તેમજ ભીડભાડવાળી જગ્યાઓ પર લોકોને ગરમીને લઈને જાગૃત કરવા માટે જાહેરાતો પણ કરવામાં આવી રહી છે. તમામ અર્બન હેલ્થ સેન્ટર સાંજે સાત વાગ્યા સુધી ખુલ્લા રાખવા સૂચના આપી દેવામાં આવી છે. મહાનગર પાલિકામાં બપોરની પાળીમાં ફરજ બજાવતા સફાઈ કામદારોની કામગીરીનો સમય બપોરનાં ત્રણ વાગ્યાને બદલે સાંજે સાડા ચાર વાગ્યાનો કરી દેવામાં આવ્યો છે.
તમામ ગાર્ડન રાત્રિના 11 વાગ્યા સુધી ખુલ્લા રાખવાની સૂચના આપી દેવામાં આવી છે. તમામ અર્બન હેલ્થ સેન્ટર, એએમટીએસ, બીઆરટીએસ બસ સ્ટોપ પર ઓઆરએસનાં પેકેજ તેમજ પીવાના પાણીની વ્યવસ્થા વ્યવસ્થા કરવામાંઆવી છે.
શહેર ટ્રાફિક પોલીસને પણ ઓઆરએસના પેકેટ આપવામાં આવ્યા છે. ત્રણ લાખથી વધુ લોકોને વોટ્સએપથી મહાનગર પાલિકા તરફથી એલર્ટના મેસેજ પણ મોકલી લેવામાં આવ્યા છે.
રેડ એલર્ટ દરમિયાન બપોરે લોકોને કામ સિવાય ઘરની બહાર ન નીકળવા માટે અપીલ કરવામાં આવી છે. તો બીજી તરફ મે મહિનાની શરૂઆતથી 19 મે સુધીમાં અમદાવાદ શહેરમાં ગરમી સંબંધિત બિમારીના પાંચ હજાર જેટલા કેસ નોંધાયા છે.
19 મે સુધીમાં શહેરમાંથી ગરમી સંબંધિત બિમારીના 108માં કુલ ચાર હજાર 710 તેમજ મહાનગર પાલિકા સંચાલિત હોસ્પિટલમાં 227 દર્દીને સારવાર આપવામાં આવી. બપોરે એક વાગ્યાથી ચાર કલાક સુધી જે તેવોર્ડ વિસ્તારમિાં પાણીની પરબ ચાલુ રહે તે માટેની જવાબદારી વોર્ડ કક્ષાએ ફરજ બજાવતા આસિસ્ટન્ટ મ્યુનિસિપલ કમિશનરને સોંપવામાં આવી છે.
18 મે બાદથી ગુજરાત જાણે ભઠ્ઠીમાં શેકાઇ રહ્યું છે. કાળઝાળ ગરમીની વચ્ચે હવામાન વિભાગે હજુ પણ પાંચ દિવસ હિટવેવ ( Heat wave)ની આગાહી કરી છે. આગામી પાંચ દિવસ અમદાવાદમાં ગરમીનો પારો 43ને પાર જવાની શક્યતાને લઇને હવામાન વિભાગે (Meteorological Department)અમદાવાદમાં 5 દિવસનું ગરમીને લઇએ રેડ એલર્ટ ( red alert)આપ્યું છે.