શુક્રવારે એસ.જી હાઇવે પર સરખેજ પાસે ક્રૂરતા પૂર્વક યુવાનની હત્યા કરેલી લાશ મળી આવી હતી. હત્યાના કેસમાં કાઈમ બ્રાંચે ભેદ ઉકેલી લીધો છે અને 2 લોકોની ધરપકડ કરી છે. પ્રેમ પ્રકરણમાં યુવાનની હત્યા થઈ હોવાનો ઘટસ્ફોટ થયો છે. મૃતક યુવાનની પત્નીને જ એક અન્ય યુવક સાથે પ્રેમ સબંધ હોવાથી પત્નીએ પતિની હત્યા કરવાનું કાવતરું ઘડી હત્યા કરી નાંખી. કાઈમ બ્રાંચે મૃતકની પત્ની અને પ્રેમીને ઝડપી લઈ વધુ તપાસ શરૂ કરી છે.
શુક્રવારે એસ.જી હાઇવે પાસે અંદાજ પાર્ટી પ્લોટથી મહોમદપુરા ગામ જવાના રસ્તે 46 વર્ષીય પ્રમોદ પટેલ નામના યુવાનની તીક્ષ્ણ હથિયાર વડે ધા ઝીકીને હત્યા કરેલી હાલતમાં લાશ મળી આવી હતી. આ કેસમાં કાઈમ બ્રાંચે બે આરોપી ધરપકડ કરી છે. મૃતક પ્રમોદ પટેલની હત્યા કરવાનો પ્લાન તેની પત્નીએ જ બનાવ્યો હતો. કારણ કે મૃતકની પત્નીના અમરત નામના યુવાન સાથે પ્રેમસંબંધ હતા. 3 સેપ્તમ્બરે મૃતક પ્રમોદ નોકરીથી ઘરે જઈ રહ્યો હતો ત્યારે તેની જ પત્નીના પ્રેમી અમરતે અન્ય ત્રણ લોકો સાથે મળીને હત્યા કરી દીધી હતી અને ફરાર થયા હતા.
કાઈમ બ્રાંચની ગિરફતમાં રહેલ મૃતકની પત્ની કિંજલ પટેલ અને પ્રેમી અમરત બંને બે વર્ષથી પ્રેમસબંધમાં હતા. મૃતકની પત્ની કિંજલ અમરત સાથે પ્રેમસંબંધ હોવાથી પતિ પ્રમોદ સાથે અવાર નવાર ઝધડો કરતી હતી. પત્ની કિંજલને પતિથી છુટકારો મેળવવા પ્રેમી સાથે મળી 31 ઓગસ્ટના રોજ હત્યાનો પ્લાન બનાવ્યો હતો. જે બાદ 3 સેપ્ટમ્બરના રોજ પતિ પ્રમોદએ પત્ની કિંજલને ફોન કરીને કહ્યું કે નોકરીથી આવતા મોડું થશે. જેથી પત્ની કિંજલએ પ્રેમીને ફોન કરી જાણ કરી ત્યારબાદ પ્રેમી અમરત મુતક પ્રમોદની નોકરી વાળી જગ્યાએ હત્યા કરવા પહોંચી ગયો અને પ્રમોદ નોકરી પુરી કરીને બહાર આવતા જ પ્રેમી સહિત 3 લોકોએ તીક્ષ્ણ હથિયાર ધા ઝીકીને તેને મોત ને ઘાટ ઉતારી દીધો.
પોલીસ તપાસમાં સામે આવ્યું છે કે હત્યારો પ્રેમી અમરતએ રાજસ્થાનથી સુરેશ નામના વ્યક્તિને 5 લાખની સોપારી આપી હતી અને ખાસ હત્યા કરવા માટે એક નવી આઈ 10 કાર પણ લીધી હતી. પ્રેમી અમરત,સુરેશ અને અજણીયા શખ્સો ભેગા મળી હત્યા કરી દીધી. ઉલ્લેખનીય છે કે મૃતક પ્રમોદ પટેલના અગાઉ બે વખત લગ્ન થઈ છુટાછેડા થયેલ અને કિંજલ સાથે ત્રીજા લગ્ન હતા. જેમાં મૃતક 46 વર્ષ ઉંમર હતી ત્યારે પત્ની 27 વર્ષની હોવાથી બંને અવાર નવાર ઝધડો થતો હોવાનું પત્ની પૂછપરછ સામે આવ્યું છે.