જો કે ઘટનાની જાણ થતાં ઉચ્ચ પોલીસ અધિકારીઓ સ્થળ પર દોડી ગયા હતા. બાદમાં ઉમેદવારોને અંદર પ્રવેશ મળતા મામલો થાળે પડ્યો હતો.
નોંધનીય છે કે, રાજ્યની છ મહાનગરપાલિકાની ચૂંટણી માટે રવિવારે મતદાન યોજાયું હતું. અમદાવાદ મહાનગરપાલિકામાં 42.51 ટકા જેટલું મતદાન થયું હતું. જેની આજે મતગણતરી હાથ ધરવામાં આવશે.
અમદાવાદમાં સવારે 8 વાગ્યાથી મતગણતરી શરૂ થશે. અમદાવાદમાં એલ.ડી. એન્જિનીયરીંગ કોલેજ અને ગુજરાત કોલેજ એમ બે જગ્યાએ મત ગણતરી હાથ ધરાશે. બંને મતગણતરી કેન્દ્રમાં 24 - 24 વોર્ડની મતગણતરી થશે. સૌ પ્રથમ 14 હજાર 200 પોસ્ટલ બેલેટની મતગણતરી હાથ ધરવામાં આવશે. ત્યારબાદ EVMથી મતગણતરી હાથ ધરવામાં આવશે.
મતગણતરી કેન્દ્ર પર અલગ પોલીસ કંટ્રોલરૂમ, સીસીટીવી કંટ્રોલરૂમ અને ઓબ્ઝર્વેશન રૂમ, મતગણતરી એજન્ટ પ્રતીક્ષા માટે અલગ ટેન્ટ, પાર્ટી એજન્ટ સીસીટીવી રૂમ, લોકરરૂમ, હેલ્પડેસ્ક, ફાયરબ્રિગેડ, એમ્બ્યુલન્સ વગેરે વ્યવસ્થા ઉભી કરવામાં આવી છે.
કોરોનાની ગાઈડલાઈનને લઈ માસ્ક અને સેનેટાઈઝરની વ્યવસ્થા પણ કરાઈ છે. બંને મતગણતરી કેન્દ્ર પર 60થી વધુ સીસીટીવી કેમેરા મારફતે નજર રાખવામાં આવશે. બહાર ઉમેદવાર અને એજન્ટો મતનું પરિણામ અને અપડેટ જોઈ શકે તેના માટે એક મોટી LED સ્ક્રીન પણ એલ.ડી એન્જિનિયરિંગ કોલેજ ખાતે લગાવવામાં આવી છે.