Gujarat Assembly Election 2022: વિધાનસભા ચૂંટણી માટે જ્યારથી ઉમેદવારોના નામ જાહેર થયા છે ત્યારથી રાજકીય પાર્ટીઓમાં વિવાદ સામે આવવા લાગ્યા છે. દાણીલીમડા બેઠક ઉપર કોંગ્રેસના કોર્પોરેટરે અપક્ષ ઉમેદવારી કરવાની જાહેરાત કરતા રાજકારણ ગરમાયું છે. કોર્પોરેટર જમના વેગડા ગુરુવારે અપક્ષ ઉમેદવાર તરીકે ફોર્મ ભરશે. દાણીલીમડા બેઠક ઉપર અગાઉ પણ મહિલા કોર્પોરેટર દાવેદારી કરી ચુક્યા હતા. કોંગ્રેસ પક્ષે શૈલેષ પરમારને ઉમેદવાર જાહેર કરતા જમના વેગડા અપક્ષ ઉમેદવારી કરશે. તમને જણાવી દઈએ કે, આ અગાઉ તાંત્રિક વિદ્યાના બહાને વિવાદમાં સપડાયા હતા જમના વેગડા. હવે ફરી તેઓ વિધાનસભાની ચૂંટણી લડવાને લઈને ચર્ચામાં આવ્યા છે.


 



કોંગેસે વધુ એક યાદી કરી જાહેર


ગુજરાતમાં વિધાનસભાની ચૂંટણીને લઈને આજે કોંગ્રેસે વધુ 37 ઉમેદવારોના નામથી જાહેરાત કરી છે.  ભાજપમાંથી કોંગ્રેસમાં આવેલા પૂર્વ મુખ્યમંત્રી શંકરસિંહ વાઘેલાના પુત્ર મહેન્દ્રસિંહને ટિકિટ આપવામાં આવી છે. આ વખતે કોંગ્રેસે 4 સિટિંગ એમએલએની ટિકિટ આપવામાં આવી છે.


કોંગ્રેસે નવી યાદી કરી જાહેર



  1. પાલનપુરથી મહેશ પટેલ

  2. દિયોદરથી શિવાભાઇ ભૂરિયા

  3. કાંકરેજથી અમૃતભાઇ ઠાકોર

  4. ઊંઝાથી અરવિંદ પટેલ

  5. વિસનગરથી કિરીટ પટેલ

  6. બેચરાજીથી ભોપાજી ઠાકોર

  7. મહેસાણાથી પી.કે.પટેલ

  8. ભિલોડાથી રાજુ પારઘી

  9. બાયડથી મહેન્દ્રસિંહ વાઘેલા

  10. પ્રાંતિજથી બહેચરસિંહ રાઠોડ

  11. દહેગામથી વખતસિંહ ચૌહાણ

  12. ગાંધીનગર ઉત્તરથી વિરેન્દ્રસિંહ વાઘેલા

  13. વિરમગામથી લાખાભાઇ ભરવાડ

  14. સાણંદથી રમેશ કોળી

  15. નારણપુરાથી સોનલબેન

  16. મણિનગરથી સી.એમ.રાજપૂત

  17. અસારવાથી વિપુલ પરમાર

  18. ધોળકાથી અશ્વિન રાઠોડ

  19. ધંધુકાથી હરપાલસિંહ ચુડાસમા


  20. ખંભાતથી ચિરાગ પટેલ


     



     


     




  21. પેટલાદથી ડૉક્ટર પ્રકાશ પરમાર


     




  22. માતરથી સંજયભાઇ પટેલ




  23. મહેમદાબાદથી જુવાનસિંહ ગદાભાઇ


     




  24. ઠાસરાથી ક્રાંતિભાઇ પરમાર


     




  25. કપડવંજથી કલાભાઇ ડાભી


     




  26. બાલાસિનોરથી અજિતસિંહ ચૌહાણ


     




  27. લુણાવાડાથી ગુલાબસિંહ


     




  28. સંતરામપુરથી ગેંડાલભાઇ મોતીભાઇ


     




  29. શહેરાથી ખાતુભાઇ પગી


     




  30. ગોધરાથી રશ્મિતાબેન ચૌહાણ


     




  31. કાલોલથી પ્રભાતસિંહ ચૌહાણ


     




  32. હાલોલથી રાજેન્દ્ર પટેલ


     




  33. દાહોદથી હર્ષદભાઇ નિનામા


     




  34. સાવલીથી કુલદીપસિંહ રાઉલજી


     




  35. વડોદરા શહેરથી ગુણવંતરાય પરમાર


     




  36. પાદરાથી જશપાલસિંહ પઢિયાર


     




  37. કરજણથી પ્રિતેશ પટેલ 




 


નર્મદામાં AAP પાર્ટીને લાગ્યો મોટો ઝટકો


આગામી વિધાનસભા ચૂંટણીને લઇને ભાજપ, કૉંગ્રેસ  અને આમ આદમી પાર્ટીના નેતાઓ જોરશોરથી પ્રચાર કરી રહ્યા છે. આ વચ્ચે નર્મદામાં આમ આદમી પાર્ટીને મોટો ઝટકો લાગ્યો છે. નર્મદાના ડેડીયાપાડા વિધાનસભા બેઠક પર આમ આદમી પાર્ટીના સંખ્યાબંધ કાર્યકર્તાઓ ભાજપમાં જોડાયા હતા. મળતી જાણકારી અનુસાર, આમ આદમી પાર્ટીના એસ.સી સેલના પ્રદેશના જોઈન્ટ સેક્રેટરી ડો.કિરણ વસાવા સહિત 10 હોદ્દેદારોએ રાજીનામાં આપ્યા હતા અને અનેક કાર્યકર્તાઓ ભાજપમાં જોડાયા હતા. ડો.કિરણ વસાવા વર્ષોથી આમ આદમી પાર્ટીનું કામ કરતા હતા પરંતુ પાર્ટીમાં અવગણના થતા આપ પાર્ટી છોડી ભાજપનો કેસરિયો ધારણ કર્યો હતો.