આરોગ્ય વિભાગના અગ્ર સચિવ જંયતિ રવિએ જણાવ્યું હતું કે, ગઈકાલ સાંજથી આજ સવાર સુધીમાં નવા 54 કેસ સામે આવ્યાં છે. જેમાં અમદાવાદમાં જ 31 કેસ સામે આવ્યાં છે. અમદાવાદના આ તમામ કેસ હોટસ્પોડ વિસ્તારમાંથી મળી આવ્યા છે.
ગુજરાતમાં કોરોના વિસ્ફોટ જોવા મળી રહ્યો છે. આજે ગુજરાતમાં કોરોનાના નવા 54 કેસ જોવા મળ્યા છે. ગઈકાલે સાંજે 378 કેસ હતા તે હવે વધીને 432 થયા છે. ઉપરાંક એક પેશન્ટને ડિસ્ચાર્જ કરવામાં આવ્યા છે.
આજે જે નવા 54 કેસ સામે આવ્યા છે તેમાં અમદાવાદમાં 31, વડોદરામાં 18, આણંદમાં 3, સુરત અને ભાવનગરમાં 1-1 કેસ સામે આવ્યા છે.
ગુજરાતમાં જે 432 કેસ છે તેમાંથી 379 એક્ટિવ કેસ છે જેમાંથી 3 ક્રિટિકલ છે જ્યારે 376 સ્ટેબલ છે. જ્યારે 34 દર્દીને ડિસ્ચાર્જ કરવામાં આવ્યા છે. ગુજરાતમાં કુલ મૃત્યુઆંક 19એ પહોંચ્યો છે.
ક્યા જિલ્લામાં કેટલા કેસ
અમદાવાદ - 228
સુરત - 28
રાજકોટ - 18
વડોદરા - 77
ગાંધીનગર - 14
ભાવનગર - 23
કચ્છ - 4
મહેસાણા - 2
ગીર સોમનાથ - 2
પોરબંદર - 3
પંચમહાલ - 1
પાટણ - 14
છોટા ઉદેપુર - 2
જામનગર -1
મોરબી - 1
આણંદ - 5
સાબરકાંઠા - 1
દાહોદા - 1
ભરૂચ - 7