અમદાવાદ: અમદાવાદના જાણીતા અને રિલીફ રોડ પર આવેલા મંગલમૂર્તિ કોમ્પલેક્ષના મોબાઈલ માર્કેટમાં ભીષણ આગની ઘટના બની હતી. ઘટનાને કારણે 4 જેટલા ફાઈટર ફાઈટરો ઘટના સ્થળે પહોંચીને આગ પર કાબૂ મેળવ્યો હતો. જ્યારે આગને કારણે રીલિફ રોડ પર ટ્રાફિકજામના દ્રશ્યો જોવા મળ્યાં હતાં.




આ ઘટના વિશે મળતી માહિતી પ્રમાણે, અમદાવાદના રીલિફ રોડ પર આવેલા મંગલમૂર્તિ કોમ્પલેક્ષના મોબાઈલ માર્કેટમાં ભીષણ આગ લાગી છે. મોબાઈલ માર્કેટના કોમ્પલેક્ષના બીજા માળે આવેલી મોબાઈલની દુકાનોમાં આગ લાગતાં 4 ફાયર ફાઈટર ઘટનાસ્થળે પહોંચી ગયા હતા અને આગ બુઝાવવાની કામગીરી શરૂ કરવામાં આવી હતી.



આગની ઘટનાના પગલે રીલિફ રોડ પર ભારે ટ્રાફિકજામ સર્જાયો હતો. આ ઘટનામાં હજી સુધી કોઈ જાનહાનિના સમાચાર મળ્યાં નથી. પરંતુ પ્રાથમિક તપાસમાં એવું કહેવામાં આવી રહ્યું છે કે, શોર્ટ સર્કિટના કારણે મોબાઈલના કોમ્પલેક્ષમાં આગ લાગી છે.