અમદાવાદઃ યુવતીએ સાસુને ઉતારી દીધી મોતને ઘાટ, હજુ 10 મહિના પહેલા જ થયા હતા લગ્ન

સત્યમેવ વિસ્ટા સામે આવેલા હોમ્સ ખાતે રેખા અગ્રવાલ નામની મહિલાની તેના દીકરાની વહુ નિકિતા અગ્રવાલે હત્યા કરી નાંખી છે. નિકિતાના લગ્ન હજુ 10 મહિના પહેલા જ થયા હતા.

અમદાવાદઃ શહેરમાં 10 મહિના પહેલા જ લગ્ન કરીને સાસરે આવેલી યુવતીએ પોતાની સાસુને મોતને ઘાટ ઉતારી દેતા સમગ્ર વિસ્તારમાં ખળભળાટ મચી ગયો છે. સાસુ-વહુ વચ્ચે થયેલા ઝઘડાએ ઉગ્ર સ્વરૂપ ધારણ કર્યું હતું. જેમાં મહિલાનું મોત થયું છે. પોલીસે આ ઘટનામાં હત્યારી વહુ અને તેના દીકરાની અટકાયત કરી છે.

આ અંગેની વિગતો એવી છે કે, સત્યમેવ વિસ્ટા સામે આવેલા હોમ્સ ખાતે રેખા અગ્રવાલ નામની મહિલાની તેના દીકરાની વહુ નિકિતા અગ્રવાલે હત્યા કરી નાંખી છે. નિકિતાના લગ્ન હજુ 10 મહિના પહેલા જ થયા હતા. ગઈ કાલે કોઈ બાબતે સાસુ-વહુ વચ્ચે ઝઘડો થયો હતો. જેણે ઉગ્ર સ્વરૂપ ધારણ કર્યું હતું.

ઉશ્કેરાયેલી નિકિતાએ પહેલા તો સાસુ રેખાબેનને લોખંડના પાઇપથી માર મારીને લોહીલૂહાણ કરી નાંખ્યા હતા અને આ પછી સાસુને સળગાવવાનો પ્રયાસ પણ કર્યો હતો. જેમાં રેખા અગ્રવાલનું મોત થયું છે. પોલીસે હાલ, તો વહુ અને મહિલાના દીકરાની અટકાયત કરી છે.