Gujarat High Court: આજકાલ લાયસન્સવાળું હથિયાર રાખવાનું ચલણ વધ્યું છે. લોકો ઘણા કારણોસર લાયસન્સવાળા હથિયાર સાથે રાખે છે. પોતાના જીવના જોખમને લઈને લોકો હથિયારના લાયસન્સ માટે અરજી કરે છે. હવે આ મામલે ગુજરાત હાઇકોર્ટે મહત્વનો ચુકાદો આપ્યો છે. હાઈકોર્ટે કહ્યું કે, વ્યક્તિની આવકનું ધોરણ એ લાયસન્સ મંજૂર નહીં કરવા માટેનું કારણ હોઈ શકે નહીં. આવકના ધોરણ ઉપર હથિયારની જરૂર છે કે નહીં તે નક્કી ન થઈ શકે. સ્વ બચાવ માટે વ્યક્તિના હથિયારની કેટલી જરૂર છે તે અંગે લાઇસન્સિંગ ઓથોરિટીએ નિર્ણય લેવાનો હોય છે.
હાઈકોર્ટે વધુમાં કહ્યું કે, વ્યક્તિ પોતાના રક્ષણ માટે પોલીસની મદદ લઈ શકે તેવું કારણ આપી અને હથિયારનું લાઇસન્સ નકારવું તે યોગ્ય નથી. વલસાડના એક એનિમલ રાઇટ્સ એક્ટિવિસ્ટને હથિયારનું લાઇસન્સ નહીં આપવાના વલસાડ જિલ્લા ન્યાયાધીશના નિર્ણયને હાઇકોર્ટે રદ કર્યો છે. ગેરકાયદે કતલખાને લઇ જવાતા પશુઓને બચાવીને 50 જેટલી FIR ફાઈલ કરાવનાર એક્ટિવિસ્ટે જીવનું જોખમ હોવાથી હથિયાર લાયસન્સ માટે અરજી કરી હતી. જિલ્લા કલેકટરે અરજી નામંજૂર કરતાં આ મામલે હાઈકોર્ટમાં અરજી કરવામાં આવી હતી.
ઉત્તર ગુજરાતમાં અતિ ભારે વરસાદની આગાહી
અમદાવાદઃ રાજ્યમાં આગામી 5 દિવસ વરસાદી માહોલ રહેશે. ગુજરાતમાં આગામી 24 કલાક વરસાદ રહેશે. બનાસકાંઠા,સાબરકાંઠા પાટણમાં અતિ ભારે વરસાદની આગાહી કરવામાં આવી છે. મધ્ય ગુજરાતમાં ભારે વરસાદની આગાહી કરવામાં આવી છે. અમદાવાદ, ગાંધીનગરમાં વરસાદી માહોલ રહેશે . દક્ષિણ ગુજરાતમાં માછીમારોને દરિયો ન ખેડવા સૂચના આપવામાં આવી છે. ગુજરાતમાં 39 ટકા વધુ વરસાદ નોંધાયો છે.
આગામી 24 કલાક કચ્છ અને ઉત્તર ગુજરાતમાં ભારેથી અતિભારે વરસાદની આગાહી કરવામાં આવી છે. આ ઉપરાંત મોરબી, સુરેન્દ્રનગર અને અમદાવાદમાં પણ ભારે વરસાદની આગાહી કરવામાં આવી છે. મહેસાણા, મહીસાગર, અરવ્લી અને ગાંધીનગરમાં પણ ભારે વરસાદની આગાહી કરાઈ છે. હવામાન વિભાગની આગાહીના પગલે આજે સવારથી જ અમદાવાદના મોટાભાગના વિસ્તારોમાં ધીમી ધારે વરસાદ પડી રહ્યો છે. હવામાન વિભાગે બે દિવસ સુધી અમદાવાદમાં ભારે વરસાદની આગાહી આપી છે. આજે રાજ્યમાં ઉત્તર ગુજરાત મધ્ય ગુજરાત અને સૌરાષ્ટ્રમાં ભારે વરસાદની વકી છે. લો પ્રેશર સિસ્ટમ સક્રિય થયું છે તેની અસર રાજ્યભરમાં જોવા મળશે. માછીમારોને દરિયો ન ખેડવાનું સૂચન આપવામાં આવ્યું છે.
મહેસાણામાં વરસાદ
મહેસાણા જિલ્લામાં વાદળછાયા વાતાવરણ વચ્ચે ફરી એકવાર વરસાદનું આગમન થયું છે. ધીમીધારે વરસાદ વરસી રહ્યો છે. જિલ્લાના તમામ વિસ્તારમાં વરસાદી માહોલ છે. વરસાદનું આગમન થતાં ખેડૂતોની ચિંતા વધી છે