હવામાન વિભાગે જણાવ્યું છે કે, 'કચ્છ અને તેની આસપાસ સાયક્લોનિક સર્ક્યુલેશન સર્જાયું છે. આ ઉપરાંત ઉત્તરપશ્ચિમ બંગાળની ખાડીના દક્ષિણપશ્ચિમથી મધ્યમાં હળવું દબાણ સર્જાયું છે. જેના પગલે આગામી બે દિવસ દરમિયાન દક્ષિણ ગુજરાતના ભરૂચ, સુરત, નવસારી, વલસાડમાં અતિભારે જ્યારે ઉત્તર ગુજરાતના દાહોદ, મહીસાગર, અરવલ્લીમાં ભારે વરસાદ પડી શકે છે.
હવામાન વિભાગ દ્વારા 5 સપ્ટેમ્બરે વડોદરા, છોટા ઉદેપુર, નર્મદા, ડાંગ, તાપી, ખેડા, આણંદ, પંચમહાલ, નવસારી, વલસાડ, દમણ, અમરેલી, ભાવનગર, બોટાદ અને ૬ સપ્ટેમ્બરે નવસારી, વલસાડ, દમણ, અમરેલી, ભાવનગર, ગીર સોમનાથ, કચ્છમાં સારા વરસાદની આગાહી કરવામાં આવી છે.
રાજ્ય પર વરસાદી સિસ્ટમ સક્રિય છે અને ચોમાસાની સિઝનને હજુ પણ એક મહિનો બાકી છે ત્યારે ગુજરાતમાં 100 ટકા વરસાદ પડી ગયો છે. ગુજરાતના કોઈપણ જિલ્લામાં હવે વરસાદની ઘટ રહી નથી.