ભારતના ઝડપી બોલર જસપ્રીત બુમરાહ અમદાવાદમાં કોલ્ડપ્લે કોન્સર્ટમાં જોવા મળ્યો હતો. આ ફાસ્ટ બોલરનો ઉલ્લેખ અગાઉ મુંબઈમાં કોલ્ડપ્લે કોન્સર્ટમાં લીડ સિંગર ક્રિસ માર્ટિન દ્વારા કરવામાં આવ્યો હતો અને તેણે તેના પર પોતાની પ્રતિક્રિયા પણ શેર કરી હતી. બુમરાહ નરેન્દ્ર મોદી સ્ટેડિયમમાં કોલ્ડપ્લે કોન્સર્ટનો આનંદ માણવા માટે ચાહકોની ભીડમાં હાજર હતો, જ્યાં ક્રિસ માર્ટિને તેમને એક અદભૂત ગીત સમર્પિત કર્યું હતું. ક્રિસ માર્ટિને કહ્યું- "જસપ્રીત મારા સુંદર ભાઈ. ક્રિકેટનો શ્રેષ્ઠ બોલર. અમને એ જોઇને આનંદ નથી થતો કે તું ઇગ્લેન્ડને બરબાદ કરી રહ્યો છે, એક પછી એક વિકેટ લઇને. નોંધનીય છે કે 2024ની શરૂઆતમાં ઇંગ્લેન્ડના ટેસ્ટ પ્રવાસ દરમિયાન જસપ્રીત બુમરાહના ઇંગ્લેન્ડના બેટ્સમેનોને પરેશાન કરતી ક્લિપ્સ પણ સ્ક્રીન પર બતાવવામાં આવી હતી.
ભારતીય ટીમના ફાસ્ટ બોલર જસપ્રીત બુમરાહ હાલમાં પોતાની ઈજાથી પરેશાન છે. ઓસ્ટ્રેલિયા પ્રવાસ દરમિયાન તેને પીઠમાં ઈજા થઈ હતી. તે હાલમાં પોતાની ઈજામાંથી સ્વસ્થ થઈ રહ્યો છે, પરંતુ આ દરમિયાન બુમરાહ પ્રખ્યાત સિંગર ક્રિસ માર્ટિનના કોન્સર્ટમાં જોવા મળ્યો હતો.
આ કોલ્ડપ્લેનો ભારતમાં બીજો શો હતો. જે અમદાવાદના નરેન્દ્ર મોદી ક્રિકેટ સ્ટેડિયમમાં યોજાયો હતો. પહેલો શો મુંબઈમાં થયો હતો. આ કોન્સર્ટમાં બુમરાહનું ઉષ્માભર્યું સ્વાગત કરવામાં આવ્યું હતું. ક્રિસ માર્ટિને પણ લોકોમાં બુમરાહનું નામ લીધું હતું.
આ બ્રિટિશ બેન્ડે બુમરાહ પર ખાસ ધ્યાન આપ્યું અને તેને એક ગીત પણ સમર્પિત કર્યું હતું. બેન્ડે એમ પણ કહ્યું કે બુમરાહ મેચોમાં ઈંગ્લેન્ડના બેટ્સમેનોને જે રીતે આઉટ કરે છે તે તેમને પસંદ નથી. જોકે આ બધું માત્ર મજાક હતું. તેણે કહ્યું હતું કે, "ઓહ જસપ્રીત બુમરાહ, મારા અદ્ભુત ભાઈ. ક્રિકેટની દુનિયાનો શ્રેષ્ઠ બોલર. જ્યારે તમે ઇંગ્લેન્ડની વિકેટ પછી વિકેટ લો છો ત્યારે અમને તે ગમતું નથી."
કોલ્ડપ્લેએ સ્ટેજ પર બુમરાહની સહી કરેલી ટેસ્ટ જર્સી પણ બતાવી હતી. આ પહેલા કોલ્ડ પ્લેએ મુંબઈમાં આયોજિત કોન્સર્ટમાં બુમરાહનું નામ પણ લીધું હતું. બેન્ડે બુમરાહનો ઈંગ્લેન્ડના બેટ્સમેનોને આઉટ કરતો વીડિયો ચલાવ્યો હતો. આ વીડિયો 2024માં બંને દેશો વચ્ચે રમાયેલી ટેસ્ટ શ્રેણીનો હતો.
આ જ શોમાં ક્રિસ માર્ટિને એમ પણ કહ્યું હતું કે તેમને બુમરાહના વકીલ તરફથી કાનૂની નોટિસ મળી છે કારણ કે બેન્ડે તેમના નામનો ઉપયોગ કર્યો હતો. માર્ટિન પાસે એક કાલ્પનિક પત્ર પણ હતો જે તેણે વાંચ્યો અને કહ્યું, "માફ કરશો, પણ મારે જસપ્રીત બુમરાહના વકીલનો આ પત્ર વાંચવો પડશે. મારે આ કરવું પડશે, નહીં તો અમને જેલમાં મોકલી દેવામાં આવશે અને અમે અમદાવાદમાં પરફોર્મ કરી શકીશું નહીં. આ પણ મજાકનો એક ભાગ હતો જે બુમરાહને પણ ખૂબ પસંદ આવ્યો હતો.
તિલક વર્માએ ઈતિહાસ રચ્યો, કોહલીનો આ મહારેકોર્ડ તોડી વિશ્વ કિક્રેટમાં ખળભળાટ મચાવ્યો