આ પ્રસંગે હાર્દિક પટેલ જણાવ્યું હતું કે, પંડિત જવાહરલાલ નેહરુ, સરદાર પટેલ, મહાત્મા ગાંધી, ઈન્દિરા ગાંધી, રાજીવ ગાંધી જેવા લોકો કે જેમણે આ દેશ માટે કામ કર્યું છે તે પાર્ટીમાં આજે હું જોડાવા જઈ રહ્યો છું.
વધુમાં હાર્દિકે કહ્યું હતું કે, અમે બધાં સાથે મળીને દેશને મજબૂત બનાવવા માટે કામ કરીશું. કોંગ્રેસ પાર્ટીની વિચારધારાને મજબૂત કરીને દરેક ગામે આ વિચારધારાને પહોંચાડીશું. આજે હું અધિકારી રીતે કોંગ્રેસમાં જોડાઈશ.
ચૂંટણી લડવા અંગે હાર્દિક પટેલે જણાવ્યું હતું કે, કોંગ્રેસ પાર્ટી જ્યાંથી કહેશે તે બેઠક પરથી હું ચૂંટણી લડીશ. જોકે થોડા દિવસ પહેલાં જ હાર્દિકે કહ્યું હતું કે, હું જામનગર બેઠક પરથી ચૂંટણી લડવાનો છું.