અમદાવાદઃ પાટીદાર અનામત આંદોલન બાદના હિંસક તોફાનોમાં મૃત્યુ પામેલા પાટીદાર યુવાનોને શ્રદ્ધાંજલી આપવા માટે બાયડના તેનપુરમાં મંજૂરી વગર યોજાયેલી સભા બદલ બાયડ પોલીસે પાસના કન્વીનર દિનેશ બાંભણીયાની ધરપકડ કરી છે. ત્યારે હવે આ કેસમાં હાર્દિક પટેલની પણ ગમે ત્યારે ધરપકડ થઈ શકે છે. હાર્દિક પટેલની ધરપકડ કરવા માટે બાયડ પોલીસ અત્યારે ઉદેપુર પહોંચી છે. નોંધનીય છે કે, 27 જુલાઈ 2015ના રોજ હાર્દિકે તેનપુરમાં સભા કરી હતી. બાયડ પોલીસે બાંભણીયાની સેક્ટર સાત પોલીસ સ્ટેશનમાં ધરપકડ કરી હતી. કલેક્ટરના જાહેરનામાના ભંગ બદલ તેની ધરપકડ કરવામાં આવી હતી.