ખેડાઃ ખેડા જિલ્લાના ઠાસરા તાલુકાના નેશ ગામ પાસેથી પસાર થતી મહી કેનાલમાં કાર ખાબકી હતી. કારમાં સવાર યુવાનનું પાણીમાં ડૂબી જવાથી મોત નીપજ્યું છે. કાર નંબર Gj 07 1112 ની મારુતિ ઝેન કારમાં સવાર પટેલ સતીષ કુમાર રમણભાઈ આણંદ જિલ્લાના સારસાના રહેવાસી હોવાનું સામે આવ્યું છે.
સ્થાનિક લોકો દ્વારા મૃતદેહ બહાર કાઢી પોલીસને જાણ કરાઈ. ડાકોર પોલીસ દ્વારા કેનાલમાં ખાબકેલી કારનો કબજો લઈ અને મૃતદેહને પોસ્ટમોર્ટમ અર્થે ડાકોર હોસ્પિટલ ખસેડવામાં આવ્યો. મરણજનારના ખિસ્સામાંથી મળેલ આધાર કાર્ડના આધારે પોલીસે ઘરવાળાને જાણ કરી હતી. કારમાં બીજું કોઈ સવાર હતું કે કેમ તેની ડાકોર પોલીસ દ્વારા તપાસ હાથ ધરાઇ. ઘટનાની જાણ થતાં લોકોના ટોળેટોળા ઘટનાસ્થળે દોડી આવ્યા હતા.
Jamnagar : દરેડ પાસે યુવતીને યુવકે જાહેરમાં જ મારી દીધી ગોળી, કોણે અને કેમ મારી ગોળી?
જામનગરઃ દરેડ નજીક એક યુવતી પર ફાયરિંગ થવાની ઘટના સામે આવતાં ખળભળાટ મચી ગયો છે. પરપ્રાંતિય યુવતી પર બે રાઉન્ડ ફાયરિંગ કરાયું હતું. દેશી કટ્ટા વડે ફાયરિંગ કરાયું હતું. યુવતીને ઇજાગ્રસ્ત હાલતમાં હોસ્પિટલ ખસેડવામાં આવી છે. પોલીસ તપાસ કરી રહી છે.
ઈજાગ્રસ્ત યુવતીની માતાનું નિવેદન સામે આવ્યું છે.
પુત્રી આરાધનાના લગ્ન ઇન્દોર સ્થિત યુવક સથે થયા હતા. લગ્નજીવન સુમેળ ભર્યું ના ચાલતા યુવતી હાલ પિયરમી હતી. દરેડ ખાતે રૂમમાં રહેતી યુવતી પર જમાઈ મિથુને ફાયરીંગ કર્યાનો ઈજાગ્રસ્ત યુવતીની માતાનો આક્ષેપ છે. જોકે, પોલીસ મામલાની તપાસ કરી રહી છે. હાલ યુવતીની હાલત ગંભીર હોવાનું સામે આવ્યું છે.
Surat : પતિએ કુકર મારીને પત્નીની કરી નાંખી હત્યા, કારણ જાણીને જાણીને ચોંકી જશો
સુરતઃ શહેરના અમરોલી વિસ્તારમાં પતિએ પત્નીની હત્યા કરી નાંખતા ચકચાર મચી ગઈ છે. અમરોલી પોલીસે હત્યારા પતિની ધરપકડ કરી વધુ કાર્યવાહી હાથ ધરી છે. પત્નીના ચારિત્ર્ય પર શંકા કરી પત્નીને કુકર મારી હત્યા કરી હોવાનો ખુલાસો થયો છે. 6 વર્ષના લગ્ન ગાળાનો કરુણ અંજામ આવ્યો છે.
માથામાં કુકર મારી પતિ જ પત્નીને હોસ્પિટલ લઈ ગયો હતો. પત્નીને બ્રેઇન હેમરેજ થતા મોત થયું હતું. હોસ્પિટલ સ્ટાફને શંકા જતા પોલીસને બોલાવાઈ. પોલીસે તપાસ કરતા હત્યા કરાઈ હોવાનું સામે આવ્યું. મૃતકના ભાઈની ફરિયાદના આધારે પતિની અમરોલી પોલીસે ધરપકડ કરી છે. હત્યાનો ગુન્હો નોંધી આરોપીને જેલના સળિયા પાછળ ધકેલી દીધો છે.