ભાવનગરઃ ગુજરાતમાં વિધાનસભાની ચૂંટણીનો રંગ જામ્યો છે ત્યારે ચૂંટણી પ્રચારના મેદાનમાં પણ કમાની એન્ટ્રી થઈ છે. મળતી જાણકારી અનુસાર, ભાજપે ભાવનગર શહેરમાં પ્રચાર માટે કમાને મેદાનમાં ઉતાર્યો છે. ભાજપનો ખેસ પહેરી કમાએ ભાજપનો પ્રચાર કર્યો હતો. વડવા વિસ્તારમાં કાર પર બેસી ડીજેના તાલે કમાએ ભાજપનો પ્રચાર કર્યો હતો. કમાએ લોકો સાથે ઉભા રહીને સેલ્ફી પણ પડાવી હતી.
ડાયરાથી ફેમસ થયેલા કમાભાઈએ ભાવનગરમાં ભાજપના ઉમેદવાર જીતુ વાઘાણી માટે ચૂંટણી પ્રચાર કર્યો હતો. ડાયરામાં જે રીતે કમાની કારમાં એન્ટ્રી થાય છે તેવી રીતે જ ભાવનગરની શેરીઓમાં ચૂંટણી પ્રચારમાં કમાની એન્ટ્રી થઈ હતી. કારમાં સવાર થઈ કમાભાઈએ ભાજપના ફ્લેગ સાથે પ્રચાર કર્યો હતો.
સુરેન્દ્રનગરના કોઠારિયાના વતની કમાને લોકગાયક કીર્તિદાન ગઢવીના કાર્યક્રમથી ઓળખ મળી હતી. હાલ કમાના વીડિયો સોશિયલ મીડિયામાં ધૂમ મચાવી રહ્યા છે. ત્યારે હવે ચૂંટણી પ્રચારના મેદાનમાં પણ કમાએ એન્ટ્રી કરી દીધી છે.
Gujarat Election 2022: ધર્મ કે મોદી ? કયા મુદ્દા પર ગુજરાતની જનતા આપશે વધારે વોટ, સર્વેમાં આવ્યા ચોંકાવનારા પરિણામ
ABP News C Voter: ગુજરાત વિધાનસભા ચૂંટણી 2022ના મતદાનની તારીખ જેમ જેમ નજીક આવી રહી છે તેમ તેમ સ્પર્ધા રસપ્રદ બની રહી છે. આમ આદમી પાર્ટીએ રાજ્યમાં સ્પર્ધાને ત્રિકોણીય બનાવવાનો દાવો કર્યો છે. તે જ સમયે, AIMIM મુસ્લિમ પ્રભુત્વવાળી બેઠકો પર તેના ઉમેદવારોની જીતનો દાવો કરી રહી છે. હવે રાજ્યના લોકો ક્યા પક્ષના ઉમેદવારને કયા આધારે મત આપે છે, તે તો 8મીએ આવતા પરિણામ નક્કી કરશે, પરંતુ તે પહેલા ABP ન્યૂઝ C-VOTERએ રાજ્યની જનતાનો મૂડ જાણવાનો પ્રયાસ કર્યો છે.
એબીપી ન્યૂઝ સી-વોટરના ઓપિનિયન પોલમાં, જનતાને પૂછવામાં આવ્યું હતું કે તેઓ રાજ્યની વિધાનસભા ચૂંટણીમાં કયા આધારે મત આપશે. તેમના માટે કયું પરિબળ મહત્ત્વનું રહેશે? જોઈએ જનતા શું જવાબ આપે છે.
ગુજરાતમાં તમે કયા આધારે મતદાન કરશો
ધર્મ - 14 ટકા
જાતિ-14 ટકા
વૃદ્ધિ - 33 ટકા
મોદી-26 ટકા
અન્ય - 13 ટકા
તેવી જ રીતે, ગુજરાતના લોકોને પૂછવામાં આવ્યું હતું કે શું ઓવૈસીની પાર્ટી રાજ્યમાં વધુ સારું પ્રદર્શન કરશે કે કોંગ્રેસના મતો કાપવાથી જ ભાજપને ફાયદો થશે. જનતાને પ્રશ્ન પૂછવામાં આવ્યો હતો કે ઓવૈસીથી ભાજપને ફાયદો થશે કે નુકસાન? ચાલો જોઈએ ગુજરાતની જનતાએ શું કહ્યું