આજે સવારે શરૂઆતના ટ્રેડમાં વોડાફોન આઈડિયાનો શેર બીએસઈમાં 31.62 ટકાની સાથે 7.66 રૂપિયા હતોય નિફ્ટીમાં કંપનીનો શેર 31.90 ટકાની સાથે 7.65 રૂપિયા હતો.
જોકે સમાચાર એવા આવ્યા હતા કે, ગૂગલ આ ટેલિકોમ કંપનીમાં હિસ્સો ખરીદવા ઈચ્છે છે. જો આ ડીલ થાય તો મુશ્કેલીનો સામનો કરી રહેલ વોડાફોન આઈડિયા માટે આ બહુ જ મદદગાર સાબિત થઈ શકે છે. ગૂગલની પેરેન્ટ કંપની અલ્ફાબેટ વોડાફોન આઈડિયામાં 5 ટકા હિસ્સો ખરીદવાની છે આ સમાચાર આવ્યા બાદ આજે વોડાફોન આઈડિયાના શેરમાં તેજી જોવા મળી હતી.
વોડાફોન આઈડિયા પર આદિત્ય બિરલા ગ્રુપ અને વોડાફોન પીએલસીના માલિકીનો હક છે. તમને જણાવી દઈએ કે, થોડા દિવસ પહેલાં જ ફેસબુકે જીયો પ્લેફોર્મમાં ભાગીદારી કરી હતી. જોકે એક આર્થિક સમાચાર પત્રે આ વાતની માહિતી આપી હતી કે, ગૂગલ વોડાફોન આઈડિયા લિમિટેડમાં પાંચ ટકા ભાગીદારી ખરીદવા ઈચ્છે છે. આના માટે બન્ને કંપનીઓએ ટિપ્પણી કરવાનો ઈન્કાર કરી દીધો હતો જોકે બીએસઈએ આ રિપોર્ટ અંગે વોડાફોન આઈડિસા પાસે સ્પષ્ટતા માગી છે.