હુરૂન રિચ લિસ્ટ પ્રમાણે, અંબાણીની નેટવર્થ 300 મીલિયન ડોલર (30 કરોડ)નો જોરદાર ઘટાડો નોંધાયો છે. દરેક દિવસે તે ઘટીને 31 માર્ચે 48 અબજ ડોલર જેટલી થઈ ગઈ છે. તેમની સંપત્તી લગભગ 1 લાખ 44 હજાર કરોડ જેટલી ઘટી છે અને હવે તે 3 લાખ 65 હજાર કરોડ રહી ગઈ છે. અંબાણી સિવાય ગૌતમ અદાણી, શિવ નાદર અને ઉદય કોટકની સંપત્તીમાં પણ જબરજસ્ત ઘટાડો નોંધાયો છે.
મુકેશ અંબાણીની સંપત્તીમાં પણ મોટો ઘટાડો થવાનું કારણ શેર બજારમાં જોરદાર કડાકો છે. હુરૂન ગ્લોબલ રિચ લિસ્ટનાં જણાવ્યા મુજબ રિલાયન્સ ઇન્ડસ્ટ્રીઝ (RIL)નાં ચેરમેન અને મેનેજીંગ ડિરેક્ટરની સંપતીમાં ફેબ્રુઆરી-માર્ચનાં સમયગાળામાં 19 અબજ ડોલરનો ઘટાડો નોંધાયો છે. આ જ કારણે તે દુનિયાભરના અમિર હસ્તીઓની યાદીમાં 8 ક્રમ ઘટીને 17માં સ્થાને પહોંચી ગયા છે.