RILના પ્રમુખ મુકેશ અંબાણીએ પોતાની પ્તની નીતા અંબાણીની સાથે દીવો પ્રગટાવ્યો. અંબાણી દંપત્તિએ પોતાના ઘરે એન્ટીલિયામાં દીવો પ્રગટાવીને પીએમ મોદીની એકતાની અપીલનું સમર્થન કર્યું.
મુકેશ અંબાણીએ પીએમની અપીલ અનુસાર 9 મિનિટ સુધી દીવો પ્રગટાવ્યો. આ દરમિયાન નીતા અંબાણીએ મીણબત્તી પ્રગટાવી. તમને જણાવીએ કે આ દરમિયાન અંબાણીના ઘર એન્ટીલિયાની તમામ લાઈટો 9 મિનિટ સુધી બંધ કરવામાં આવી હતી. આ 9 મિનિટ દરમિયાન એન્ટીલિયામાં માત્ર દીવડા અને મીણબત્તીનો જ પ્રકાશ જોવા મળ્યો હતો.
નોંધનીય છે કે, આ પહેલા મુકેશ અંબાણીએ પોતાના પરિવારની સાથે તાળી અને થાળી પણ વગાડી હતી. તમને જણાવીએ કે, પીએમ મોદીએ 22 માર્ચના રોજ જનતા કર્ફ્યૂ દરમિયાન સાંજે 5 કલાકે તાળી અને થાળી વગાડવાની અપીલ કરી હતી. આ દરમિયાન મુકેશ અંબાણી, નીતા અંબાણી અને સમગ્ર પરિવાર એન્ટીલિયાની છત પર તાળી અને તાળી વગાડતા જોવા મળ્યા હતા. અંબાણી પરિવારનો આ વીડિયો સોશિયલ મીડિયા પર ખૂબ વાયરલ થયો હતો.