Crude Oil Price Hike: ક્રૂડ ઓઈલના ભાવમાં ફરી લાગી આગ, પેટ્રોલ-ડીઝલના વધશે ભાવ ?

Crude Oil Price: બ્રેન્ટ ક્રૂડ ઓઇલના ભાવ 115 ડોલર પ્રતિ બેરલને પાર કરી ગયા છે, જે 28 માર્ચ બાદ સૌથી વધુ છે.

Crude Oil Price Hike:  આંતરરાષ્ટ્રીય બજારમાં ક્રૂડ ઓઇલની કિંમતોમાં ફરી ઉછાળો જોવા મળી રહ્યો છે. યુરોપિયન યુનિયને રશિયાથી ક્રૂડ ઓઇલની આયાત પર પ્રતિબંધ મૂકવાની હિમાયત કરતાં ક્રૂડ ઓઇલની કિંમત સાત સપ્તાહની ઊંચી સપાટીએ પહોંચી ગઇ છે. બ્રેન્ટ ક્રૂડ ઓઇલના ભાવ 115 ડોલર પ્રતિ બેરલને પાર કરી ગયા છે, જે 28 માર્ચ બાદ સૌથી વધુ છે.

ચીને લોકડાઉન હળવું કરતાં ભાવમાં થયો વધારો

આ પહેલા રશિયાએ યુક્રેન પર કરેલા હુમલા બાદ આંતરરાષ્ટ્રીય બજારમાં ક્રૂડ ઓઈલની કિંમત 2008 બાદ પ્રથમ વખત 139 ડોલર પ્રતિ બેરલની સર્વોચ્ચ સપાટીએ પહોંચી ગઇ હતી. રશિયાથી ક્રૂડ ઓઇલની આયાત પર પ્રતિબંધ લગાવવાની માંગના કારણે કિંમતોમાં વધારો થઈ રહ્યો છે, સાથે જ ચીનમાં કોરોનાને કારણે લગાવવામાં આવેલા લોકડાઉનમાં પણ રાહતના સમાચારના કારણે ક્રૂડ ઓઇલની કિંમતોમાં પણ વધારો થયો છે. ચીનમાં લોકડાઉનમાં છૂટ આપવામાં આવે તો તેનાથી કાચા તેલની માંગ વધશે અને સપ્લાઈ ઘટવાના કારણે કિંમતોમાં વધુ વધારો થઈ શકે છે.

પેટ્રોલ ડિઝલના ભાવ વધી શકે છે

ક્રૂડ ઓઇલના ભાવમાં વધારો ભારત માટે આ ખરાબ સમાચાર છે. ભારતમાં 22 માર્ચથી 6 એપ્રિલ 2022 વચ્ચે પેટ્રોલ અને ડીઝલ 10 રૂપિયા પ્રતિ લીટરે મોંઘા થઈ ચૂક્યા છે. પરંતુ જો ક્રૂડ ઓઇળની કિંમતમાં વધારો થશે તો પેટ્રોલ અને ડીઝલની કિંમતમાં ફરી વધારો થશે. જેનાથી મોંઘવારી હજુ પણ વધી શકે છે. 

આ પણ વાંચોઃ